НКМК АЖ МКБга қарашли 7-сонли автокорхонада бўлиб ўтган семинар тафсилотлари
НКМК АЖ МКБга қарашли 7-сонли автокорхонада бўлиб ўтган йиғилишда “Коррупцияга қарши курашиш тўғрисида“ги Қонуннинг мазмун моҳияти тўғрисидаги маъруза қилди ва бу маърузада туман суди раиси А.Мирзаева ва туман суди тергов судьяси С.Кушатовлар 30.04.2023 йилдаги “Янги таҳрирдаги Ўзбекистон Республикаси Конституцияси мазмун-моҳияти, 10.06.2024 йилдаги “Тезкор-қидирув ҳамда тергов фаолиятида шахснинг ҳуқуқ ва эркинликларини ишончли ҳимоя қилиш кафолатларини янада кучайтириш чора-табирлари тўғрисида“ги ПФ 89–сонли фармонининг мазмун мохияти, 03.01.2017 йилдаги “Коррупцияга қарши курашиш тўғрисида“ги Ўзбекистон Республикасининг ЎРҚ-419-сонли Қонуни юзасидан, коррупциянинг жамият ва давлат учун ижтимоий хавфли хусусиятлари ва оқибатларини билдирди.
Шунингдек, йиғилганларга судьялар томонидан янги таҳрирдаги Ўзбекистон Республикаси Конституциясининг ва Ўзбекистон Республикаси Президентининг 2025 йил 3 январдаги “2025-йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сон Қарори мазмун моҳияти, Коррупция ва одам савдосига қарши курашиш, бундай жиноятлар учун қонунчиликда назарда тутилган жазо чоралари ҳақида батафсил тушунтириш берилди.
Тадбир сўнгида судьялар томонидан йиғилганларга ўзларини қизиқтирган ҳуқуқий соҳага оид саволларига жавоб берилди.
Азиза Мирзаева,
Жиноят ишлари бўйича Томди туман судининг раиси
Санжар Кушатов,
Жиноят ишлари бўйича Томди туман судининг тергов судьяси
Корпоратив муносабатлардаги ислоҳотлар
2025 йилнинг 7 февраль куни “Корпоратив муносабатларнинг ҳуқуқий асослари янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида” ЎРҚ-1025-сонли Ўзбекистон Республикасининг Қонуни қабул қилинди.
Қонунни қабул қилишдан мақсад шуки, корпоратив муносабатлар ва юридик шахсларни бошқариш жараёнини такомиллаштириш, фуқаролик-ҳуқуқий муносабатларга янги турдаги институтларни жорий этиш ва уларнинг ҳуқуқий мақомини белгилаш, шунингдек юридик шахсларнинг эскирган ёки кам аҳамиятли ёхуд ўз аҳамиятини йўқотган ташкилий-ҳуқуқий шаклларини бекор қилиш ҳисобланади.
Мазкур Қонун билан Ўзбекистон Республикасининг айрим қонун ҳужжатларига қуйидагиларни назарда тутувчи ўзгартириш ва қўшимчалар киритилмоқда:
унитар корхона ва қўшимча масъулиятли жамият шаклларини тугатиш;
юридик шахсларни қўшиб юбориш, қўшиб олиш ва ташкилий–ҳуқуқий шаклини ўзгартириш орқали қайта ташкил этишда корхоналарнинг ҳуқуқ ва мажбуриятлари топшириш ҳужжатида акс эттирилган ёки акс эттирилмаганлигидан қатъи назар қайта ташкил этилаётган юридик шахсга ўтказилиши;
корпоратив шартнома, консорциум ва консорциум шартномаси каби институтларнинг ҳуқуқий мақомини белгилаш;
масъулияти чекланган жамиятларнинг таъсис шартномасини давлат рўйхатидан ўтказиш ҳақидаги талабни бекор қилиш;
хужалик жамиятлари кузатув кенгашларининг акциялар, корпоратив облигациялар ва бошқа қимматли қоғозларни чиқариш тўғрисидаги қарорларини ҳуқуқий ҳужжатларга мувофиқ муҳим факт сифатида ошкор этиш;
қимматли қоғозлар бозорини тартибга солиш бўйича ваколатли давлат органи томонидан қимматли қоғозлар чиқарилиши давлат рўйхатидан ўтказилганлиги, шунингдек қимматли қоғозлар бозорида профессионал фаолиятни амалга оширишга доир лицензия берилганлигига тааллуқли ахборотни эълон қилиш назарда тутилди.
Ушбу Қонун хўжалик хўжалик жамиятларини бошқаришни соддалаштириш, корпоратив муносабатларни такомиллаштириш, уларнинг ҳуқуқларини ҳимоя қилишнинг янада кучайтириш, шунингдек ҳозирги кунда ўз аҳамиятини йўқотган бир қатор тартиб-таомиллар ва талабларни бекор қилиш орқали корпоратив муносабатлардаги бюрократиянинг олдини олишга хизмат қилади.
Дилшод Турдиев,
Учқудуқ туман иқтисодий судининг раиси
Меҳнат муносабатлари ҳамда йўл ҳаракати қоидаларига оидқонунчиликдаамалга оширилган ислоҳотлар юзасидан давра суҳбати ташкил этилди
Тадбирда Фуқаролик ишлари бўйича Зарафшон туманлараро суди раиси Ш.Очилов, Жиноят ишлари бўйича Зарафшон шаҳар суди тергов судьяси Д.Эргашева ва Зарафшон туманлараро иқтисодий суди раиси Ш.Ғофуров ўзларининг тушунтиришлари орқали мавзуга доир масалалар хусусида сўз юритишди.
Хусусан, тадбир давомида меҳнат муносабатларига оид қонунчилик, бу борада амалга оширилган ислоҳотлар, янги таҳрирдаги Меҳнат кодексининг қабул қилиниши, унинг мазмун-моҳияти, олдинги таҳрирдаги кодекс билан фарқли жиҳатлари, судда кўрилаётган меҳнат низолари, бу борада иш берувчи томонидан йўл қўйилаётган хатолар, меҳнат низолари соҳасида судларга мурожаат этиш муддатлари, меҳнат ҳуқуқларини ҳимоя қилишнинг асосий усуллари бўйича батафсил тўхталиб ўтилди.
Бундан ташқари, йўл ҳаракати қоидаларига оид қонунчилик, мазкур қонунчилик талаблари бузилганлиги учун маъмурий жарималар миқдори оширилиб, бошқа жазолар қўлланилиши ҳам кўчайтирилганлиги, бу борада Маъмурий жавобгарликка тортиш тўғрисидаги кодексга ҳам тегишли ўзгартириш ва қўшимчалар киритилганлиги, бунга сабаб бўлган заруратлар суд амалиётида кўрилган ишлар мисолида тушунтириб берилди.
Таъкидлаш ўринлики, давра суҳбати қизғин баҳс-мунозара шаклида давом этиб, тадбирда иштирокчилар ўзларини қизиқтирган саволларга атрофлича жавоб олишди.
Шерали Очилов
Фуқаролик ишлари бўйича Зарафшон туманлараро суди раиси
Шерзод Ғофуров,
Зарафшон туманлараро иқтисодий судининг раиси
Дилобар Эргашева,
Жиноят ишлари бўйича Зарафшон шаҳар судининг тергов судьяси
Иштирокчиларга манфаатли бўлган семинар
Навоий шаҳридаги А.Навоий номидаги ИДИУМ мактабида Навоий вилоят маъмурий суди судьяси Ф.Санокулов ва Навоий туманлараро маъмурий суди раиси А.Рахимов ҳамда Навоий туманлараро маъмурий суди судьяси З.Тухтаевлар томонидан ҳуқуқий онг ва ҳуқуқий маданият ҳамда Давлат бошқарувининг шакллари, ҳокимиятнинг бўлиниш принциплари мавзусида ўқитувчи ва ўқувчилар иштирокида семинар машғулоти ўтказилди.
Семинар машғулоти давомида, 2019 йил 9 январда Президентимиз томонидан “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги Фармони имзоланганлиги ва ушбу фармондаги таъкидлаб ўтилган масалалар, шунингдек Ҳуқуқий онг – инсоннинг ўз маърифат ва маънавият даражасига таянган ҳолда жамиятда амал қилаётган ҳуқуқий талаб ва нормаларнинг мазмунини тушуниш ва моҳиятини англашлиги;
Ҳуқуқий маданият – фуқаронинг ўз ҳақ-ҳуқуқларини ҳуқуқий онгига таянган ҳолда ўзгалар манфаатига зид келмайдиган тарзда амалга ошириш ҳақида тушунтириш берилди.
Шундан сўнг, йиғилишда иштирок этган ходимлар билан суҳбатлашиб, аҳоли ўртасидаги ечимини топмаётган муаммоли масалалар юзасидан халқ билан мулоқот қилиб, фуқароларни ўзларини қизиқтирган саволлариги жавоб берилди.
Шунингдек, семинар давомида ўқувчи ёшларнинг ҳуқуқий билимини янада ошириш учун турли хил казус ва савол жавоблар ўтказилди.
Санокулов Фазлиддин,
Навоий вилоят маъмурий судининг судьяси
Раҳимов Абубакр,
Навоий туманлараро маъмурий судининг раиси
Тухтаев Зафар,
Навоий туманлараро маъмурий судининг судьяси
Томди туманидаги Ихтисослаштирилган мактаб интернати ўқувчилари билан судья ва ёшлар учрашуви ўтказилди
Жиноят ишлари бўйича Зарафшон шаҳар судининг раиси А.Исоков ва жиноят ишлари бўйича Томди туман судининг раиси А.Мирзаевалар иштирокида Томди туман худудида жойлашган “Ихтисослаштирилган мактаб интернати” мажлислар залида 2025 йил 20 февраль куни кенг жамоатчилик иштирокида кенгайтирилган ёшлар билан учрашув ўтказилди. Ёшлар билан учрашувда Томди тумани “Ихтисослаштирилган мактаб интернати” директори Ж.Аслонов, мактаб ўқувчилари ва ўқитувчилар иштирок этишди. Йигилишда, жиноят ишлари бўйича Зарафшон шаҳар судининг раиси А.Исоков иштирокчиларга жиноят содир этишга мойил бўлган ёшлар билан психологларни жалб қилган ҳолда улар билан алоҳида суҳбатлар ўтказиш ва психолог хулосасига кўра, уларнинг таълим ва тарбиясида ота онаси (васий ёки ҳомийси) билан биргаликда алоҳида шуғулланишлиги, ёшлар ўртасида жиноятчиликни кескин камайишига олиб келиши, Ўзбекистон Республикасининг 2025 йил 28 январдаги ЎРҚ–1022-сонли “Ўзбекистон Республикасининг айрим қонун ҳужжатларига шахснинг ҳуқуқ ва эркинликларини ишончли ҳимоя қилиш кафолатларини янада кучайтиришга қаратилган ўзгартириш ва қўшимчалар киритиш тўғрисида”ги Қонунини мазмун моҳиятини тушунтириб берди.
Шунингдек, “Инсон қадри ва манфаатлари учун” деган эсгу ғоя асосида демократия ва адолат тамойилларини мустахкамлашга қаратилган туб ислоҳотлар Ўзбекистон учун доим устувор” мавзусида маъруза қилди, жиноят ишлари бўйича Томди тумани суди раиси А.Мирзаева йиғилиш иштирокчиларига “Коррупция-таррақиёт кушандаси, “Одам савдоси” мавзусида маърузалар қилишди.
Йиғилиш охирида иштирокчилар ёшлар ўртасида жиноятчиликни олдини олиш борасида тегишли чора-тадбирлар белгилаб олишди.
Исоков Анвар,
Жиноят ишлари бўйича Зарафшон шаҳар судининг раиси
Мирзаева Азиза,
Жиноят ишлари бўйича Томди туман судининг раиси
Тергов судьяси: суд тизимида янги институт
Давлатимиз раҳбарининг 2024 йил 10 июндаги “Тезкор-қидирув ҳамда тергов фаолиятида шахснинг ҳуқуқ ва эркинликларини ишончли ҳимоя қилиш кафолатларини янада кучайтириш чора-тадбирлари тўғрисида”ги Фармонига мувофиқ, жорий йилнинг 1 январидан буён туман, шаҳар судларида тергов судьялари ўз фаолиятини бошлади.
Жиноят-процессуал кодекси янги 31-1-модда билан тўлдирилиб, тергов судьясининг ваколатлари белгиланди. Унга кўра, тергов судьяси якка ўзи иш тутиб, ушбу Кодексда назарда тутилган тартибда судга қадар иш юритиш босқичида шахснинг ҳуқуқлари, эркинликлари ва қонуний манфаатларига риоя этилиши устидан суд назоратини амалга оширади.
Тергов судьяси ваколатларига қамоққа олиш ёки уй қамоғи тарзидаги эҳтиёт чорасини қўллаш, қамоқда сақлаш ёки уй қамоғи муддатини узайтириш, ушлаб туриш муддатини қирқ саккиз соатгача узайтириш, паспортнинг (ҳаракатланиш ҳужжатининг) амал қилишини тўхтатиб туриш, айбланувчини лавозимидан четлаштириш, шахсни тиббий муассасага жойлаштириш, айбланувчининг тиббий муассасада бўлиши муддатини узайтириш, мурдани эксгумация қилиш, почта-телеграф жўнатмаларини хатлаш, прокурорнинг гувоҳ ва жабрланувчининг (фуқаровий даъвогарнинг) кўрсатувларини олдиндан мустаҳкамлаш, тинтув ўтказиш, телефонлар ва бошқа телекоммуникация қурилмалари орқали олиб бориладиган сўзлашувларни эшитиб туриш, улар орқали узатиладиган ахборотни олиш, мол-мулкни хатлаш тўғрисидаги илтимосномаларни кўриб чиқиш киради.
Суд-ҳуқуқ тизимидаги бу муҳим ўзгартиришлар фуқароларнинг конституциявий ҳуқуқларини таъминлаш, жиноят ишлари бўйича судларнинг иш юкламасини камайтириш ҳамда судьяларнинг жиноят ишларини кўриб чиқиш жараёнларида қонуний, асосли ва адолатли қарор қабул қилиши учун кенг имкониятлар яратди.
Исоков Анвар,
Жиноят ишари бўйича Зарафшон шаҳар судининг раиси
Мирзаева Азиза,
Жиноят ишари бўйича Томди туман судининг раиси
Кушатов Санжар,
Жиноят ишари бўйича Томди туман судининг тергов судьяси
Навбаҳор туманлараро судининг ташаббуси билан ўтказилган семинар машғулоти тафсилотлари
Навбаҳор тумани 6-мактаб биносида Навбаҳор туманлараро иқтисодий суди раиси Б.Джумаев, Навбаҳор туманлараро фуқаролик суди раиси А.Хамраев, жиноят ишлари бўйича Навбаҳор туман суди раиси А.Сайдуллаев томонидан мактаб маъмурияти, ўқитувчи ҳамда ўқувчилар иштирокида семинар машғулоти ўтказилди.
Семинар машғулоти давомида суд раислари янги таҳрирдаги Ўзбекистон Республикаси Конституцияси мазмун-моҳияти, суд–ҳуқуқ соҳасида қонунчиликка киритилган ўзгартиш ва қўшимчалар, уларнинг мазмун моҳияти ва аҳамияти, одам савдоси жинояти, болалаларни мажбурий меҳнатга жалб қилиниши ҳуқуқбузарликлари, болаларга ҳимоя ордери бериш тартиби тўғрисида савол-жавоб шаклида фикр алмашилди.
Учрашув давомида судялар давлат томонидан педагог ходимлар фаолияти кафолатланганлигини, Маъмурий жавобгарлик тўғрисидаги кодекси 1975-моддасига мувофиқ, таълим ташкилоти педагог ходимининг касбий фаолиятига таълим олувчиларнинг билимини тўғри ва холис баҳолашига таъсир кўрсатиш билан ифодаланган тарзда қонунга хилоф равишда аралашиш ёки таълим ташкилоти педагог ходимининг хизмат вазифаларини бажаришига тўсқинлик қилиш фуқароларга базавий ҳисоблаш миқдорининг етти бараваридан ўн бараваригача, мансабдор шахсларга эса ўн бараваридан ўн беш бараваригача миқдорда жарима солишга сабаб бўлиши тўғрисида маълум қилинди.
Шунингдек, Ўзбекистон Республикасининг “Болаларни зўравонликнинг барча шаклларидан ҳимоя қилиш тўғрисида”ги ЎРҚ-996-сонли қонунига кўра, қуйидагилар: жисмоний зўравонлик, жинсий зўравонлик, руҳий зўравонлик, ғамхўрлик кўрсатмаслик, эксплуататсия қилиш ва таъқиб этиш (буллинг) болаларга нисбатан зўравонликнинг шаклларидир.
Болаларга нисбатан зўравонликнинг барча шакллари тақиқланади ҳамда қонун билан таъқиб қилинади.
Давлат болаларни зўравонликнинг барча шаклларидан ҳимоя қилиш учун тегишли ҳуқуқий, маъмурий, ижтимоий, иқтисодий ва бошқа чораларни кўради.
Қонунга мувофиқ: зўравонликдан жабрланувчиларнинг ҳуқуқлари белгиланди, хусусан, болаларни зўравонликнинг барча шаклларидан ҳимоя қилиш бўйича якка тартибдаги чора-тадбирлар белгиланиб, жумладан, зўравонликдан жабрланганларга ҳимоя ордери бериш тартиби йўлга қўйилди.
Шунга кўра, ҳимоя ордери ички ишлар органлари томонидан берилади ва зўравонликдан жабрланувчига ёки унинг қонуний вакилига ваколатли давлат органи иштирокида топширилади.
Ҳимоя ордери 30 кун муддатгача берилади ва расмийлаштирилган пайтдан эътиборан кучга киради.
Президент ҳузуридаги Ижтимоий ҳимоя миллий агентлиги болаларни зўравонликнинг барча шаклларидан ҳимоя қилиш соҳасидаги ваколатли давлат органи ҳисобланади.
Агентлик ёрдам кўрсатиш, маслаҳат бериш механизми ва чора-тадбирлари тўғрисида ахборот олинишини, болаларга нисбатан зўравонлик ҳолларининг олди олинишини таъминлаш мақсадида Ўзбекистоннинг бутун ҳудудида туну кун ишлайдиган ишонч телефони ишлашини таъминлайди.
Ишонч телефони орқали олинган ахборотни ошкор этишга йўл қўйилмайди.
Джумаев Бекзод,
Навбаҳор туманлараро иқтисодий суди раиси
Иштирокчиларга манфаатли бўлган семинар
Навоий вилоят маъмурий судида Ўзбекистон Республикаси Олий суди Пленумининг иқтисодий ва маъмурий ишлар бўйича суд ҳаражатларини ундириш амалиёти тўғрисидаги қарорларига ўзгартириш ва қўшимчалар киритиш тўғрисидаги 38-сонли ва Ер тўғрисидаги қонунчиликни бузиш билан боғлиқ жиноят ишлари бўйича суд амалиётини айрим масалалари тўғрисидаги 36-сонли Пленум қарори мазмун-моҳиятини давлат органлари ва тегишли ташкилотларга етказиш бўйича семинар ўтказилди.Унда Давлат кадастрлари палатаси Навоий вилоят бошқармаси ва бошкарманинг туман филиалллари ходимлари ва Мажбурий ижро бюроси ходимлари ҳамда судьялар иштирок этди.
Судьлар Олий суд Пленум қарорлари нормалари қўллаш бўйича тушунтиришлар бериб, фуқаролар ва юридик шахсларнинг ер майдонини давлат рўйхатидан ўтказиш юзасидан қилган мурожаатларида қонунчиликни қўллаш бўйича муҳим масалаларга тўхталишди.
Ўзбекистон Республикаси Ер кодексининг 31-моддасида юридик ва жисмоний шахсларнинг ер участкасига бўлган ҳуқуқи жойнинг ўзида чегаралар белгиланганидан, ер участкаларининг планлари (чизмалари) ва тавсифлари тузилиб, ер участкаларига бўлган ҳуқуқ давлат рўйхатига олинганидан кейин вужудга келиши қайд этилган. Бироқ айрим ҳолларда ушбу қонун талаби мурожаатчилар томонидан тўлиқ бажарилмасдан ер майдонини ноқонуний эгаллаш ва ўзбошимчалик билан қурилмалар қуриш билан боғлиқ қонун бузарликка йўл қўйилаётганлиги натижада маъмурий судларда ерга оид низолар кўпаяётганиги сабабли мутасадди орган вакилларига фуқаролар ва юридик шахсларнинг ер майдонларини давлат рўйхатидан ўтказиш бўйича мурожаатларини кўриб чиқилишида уларнинг мурожаатлари рад этилган тақдирда, рад этиш асосларини батафсил кўрсатиш лозимлиги тушунтирилди.
Бундан ташқари судлар томонидан давлат божини ундиришнинг ўзига хос хусусиятлари тўғрисидаги тушунтиришлар семинар иштирокчиларига етказилди.
Жумладан Давлат божи тўланмаган ҳолда қабул қилинган аризалар (даъво аризалари) юзасидан давлат божи иш якуни бўйича, ариза қабул қилинган пайтда амалда бўлган давлат божи ставкаси бўйича ундирилади. Ушбу қоида суд қарорлари устидан шикоят беришда ҳам қўлланилади.
Даъвогар (аризачи) тўлашдан белгиланган тартибда озод қилинган давлат божи, агар жавобгар бож тўлашдан озод қилинмаган бўлса, қаноатлантирилган талаблар миқдорига мутаносиб равишда жавобгардан давлат даромадига ундирилади.
Давлат божини тўлашдан озод этилган бир ёки бир нечта даъвогар (аризачи) томонидан бир нечта жавобгарга нисбатан тақдим этилган даъво аризаси (ариза) тўлиқ ёки қисман қаноатлантирилганда, у давлат фойдасига ҳар бир жавобгардан алоҳида қаноатлантирилган талабларга мутаносиб равишда ундирилади.
Даъво аризаси (ариза) қаноатлантирилган ҳолда даъвогар (аризачи)нинг тегишли илтимосномаси мавжуд бўлгандагина, суд харажатлари унинг зиммасига юклатилиши мумкинлиги тўғрисида т тушунтириш берилди.
Семинарда амалиётда юзага келаётган масалалар бўйича берилган саволларга судьялар томонидан батафсил жавоблар берилди.
Мазкур семинарлар амалиётдаги камчиликларни келгусида олдини олиш ва қонунчиликни бир хил талқин қилинишига хизмат қилади.
Очилов Дилмурод,
Навоий вилоят маъмурий судининг судьяси
Саноқулов Фазлиддин,
Навоий вилоят маъмурий судининг судьяси
Раҳимов Абубакр,
Навоий туманлараро маъмурий судининг раиси
Навбаҳор туманида ўтказилган сайёр суд ва ҳуқуқий тарғибот тадбири тафсилотлари
Навбаҳор туманидаги мусиқа ва санъат мактаби биносида жиноят ишлари бўйича Навбаҳор туман суди томонидан жиноят ҳамда ҳуқуқбузарлик олдини олиш мақсадида фуқаролар ва уюшмаган ёшлар иштирокида сайёр суд мажлислари ўтказилди.
Сайёр суд мажлисида жиноят ва маъмурий ҳуқубузарлик содир этган бир нечта шахсларга нисбатан бўлган жиноят ва маъмурий ҳуқуқбузарликка оид ишлари кўриб чиқилиб, сайёр суд мажлиси иштирокчилари гувоҳлигида суд қарорлари эълон қилинди.
Бундай сайёр суд мажлисларини ўтказишдан кўзланган асосий мақсад, жиноят кўчасига кириб қолган ёки жиноят содир этишга мойиллиги бўлган шахсларга жиноят учун жазо муқаррарлигини эслатиш ва шу орқали келиб чиқиши мумкин бўлган салбий оқибатларни олдини олишдан иборатдир.
Сайёр суд мажлиси якунига уланиб кетган тарғибот тадбирида сўзга чиққанлар, суд-ҳуқуқ соҳасидаги ислоҳотлар, шунингдек, жиноятчилик ва ҳуқуқбузарликларни олдини олиш борасида қилинаётган барча ишлар, қабул қилинаётга қонунлар барчаси “Инсон қадри ва манфаатлари учун” эканлиги, буни ҳар-бир Ўзбекистон фуқароси ич-ичидан ҳис қилиши ва жиноятчиликка қарши биргаликда муросасиз курашиш лозимлиги таъкидланди.
Шунингдек, йиғилганларга судьялар томонидан янги таҳрирдаги Ўзбекистон Республикаси Конституциясининг ва Ўзбекистон Республикаси Президентининг 2025 йил 3 январдаги “2025-йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сон Қарори мазмун моҳияти, Коррупция ва одам савдосига қарши курашиш, бундай жиноятлар учун қонунчиликда назарда тутилган жазо чоралари ҳақида батафсил тушунтириш берилди.
Тадбир сўнгида судьялар томонидан йиғилганларга ўзларини қизиқтирган ҳуқуқий соҳага оид саволларига жавоб берилди.
Сайдуллаев Алишер,
Жиноят ишлари бўйича Навбаҳор туман судининг раиси
Козиев Козим,
Жиноят ишлари бўйича Навбаҳор туман судининг тергов судьяси