Қидирув:

Жиноят ишлари бўйича Навоий шаҳар судининг судья ва суд ходимлари «Автомобилсиз кун» акциясида фаол иштирок этишди

Ўзбекистон Республикаси Президентининг 2024 йил 21 февралдаги ПФ-37-сон Фармонига кўра, ҳар ойнинг бир иш куни давомида “Автомобилсиз кун” жамоатчилик тадбирини амалга ошириш белгиланган.

Жиноят ишлари бўйича Навоий шаҳар суди судьялари томонидан ҳам ушбу жамоатчилик тадбири қўллаб-қувватланиб, ҳар ойнинг бир иш кунида автомобиллардан ҳоли равишда ишга келиб кетиш йўлга қўйилган ҳолда жамоатчиликка намуна кўрсатиб келинмоқда.

“Автомобилсиз кун” тадбирини ўтказишдан асосий мақсад соғлом турмуш тарзини тарғиб қилиш, шунингдек, атроф-муҳитни автомобиллардан чиқувчи зарарли газлардан ҳимоя қилиш, жамоат транспорти тизимини ривожлаштириш масалаларига жамоатчилик эътиборини қаратишдир.

 

Алиқулов Баҳодир,

Жиноят ишлари бўйича Навоий шаҳар судининг раиси

 

Пардаева Дилобар,

Жиноят ишлари бўйича Навоий шаҳар судининг судьяси

 

Болтаев Суннатжон,

Жиноят ишлари бўйича Навоий шаҳар судининг тергов судьяси

 

Исмаилов Улуғбек,

Жиноят ишлари бўйича Навоий шаҳар судининг тергов судьяси

“Давлат божи тўғрисида”ги Ўзбекистон Республикаси Қонунига қўшимча ва ўзгартиришлар киритилди

Сўнгги йилларда мамлакатимизда суд-ҳуқуқ соҳасида бир қатор ислоҳотлар амалга оширилиб, фуқаролар ва юридик шахсларнинг ўз ҳуқуқлари ва қонуний манфаатларини ҳимоя қилиш мақсадида судларга мурожаат қилиши учун қулайликлар яратилди.

Хусусан, айрим фуқаролар, корхона ва ташкилотлар ҳамда давлат органлари учун судларга даъво аризаси ёки ариза билан мурожаат қилишда давлат божи тўловидан озод қилиш каби имтиёзлар берилди.

Жумладан, 2025 йилнинг 20 февраль куни “Давлат божи тўғрисида”ги Ўзбекистон Республикаси Қонунига қўшимча ва ўзгартиришлар киритиш ҳақида ЎРҚ-1032-сон Ўзбекистон Республикасининг Қонуни қабул қилинди.

Мазкур Қонун билан “Давлат божи тўғрисида”ги Ўзбекистон Республикаси Қонунининг 8-моддаси биринчи қисми 47-банд билан ҳамда 9-моддасининг биринчи қисми 29-банд билан тўлдирилди.

Яъни, Қонун билан “Давлат божи тўғрисида”ги Ўзбекистон Республикаси Қонунига тегишинча иссиқлик ва электр энергиясини етказиб бериш юзасидан хизматлар учун тўловлар бўйича қарзларни ундириш тўғрисидаги даъволар, аризалар ва шикоятлар билан фуқаролик ишлари бўйича ва иқтисодий судларга мурожаат қилинганда иссиқлик ва электр энергиясини етказиб берувчилар давлат божини тўлашдан озод этилишини, шунингдек уларнинг талабларини қаноатлантириш тўлиқ ёки қисман рад этилган тақдирда мазкур давлат божини ушбу етказиб берувчилардан ундириш белгиланди.

Қонунни қабул қилишдан мақсад шуки, иссиқлик ва электр энергиясини етказиб берувчилар томонидан истеъмолчиларга энергия ресурслари етказиб берганлик ҳамда сифатли хизматлар кўрсатиш мақсадида етказиб берилган энергия таъминоти учун қарздорликларни ўз вақтида ундириш ҳисобланади.  

Мазкур Қонун истеъмолчилар томонидан қарзларнинг ўз вақтида тўланишини таъминлашга, аҳолининг сифатли иссиқлик ва электр энергиясини етказиб бериш бўйича хизматлар билан таъминланганлик даражасини оширишга хизмат қилади.

 

Дилшод Турдиев,

                                                              Учқудуқ туман иқтисодий судининг раиси

Суд тизимидаги ислоҳотлар

Ўзбекистон Республикасининг 2025-йил 11-мартдаги “Аҳолига суд муҳокамаларда масофадан иштирок этиш учун янада қулай шароитлар яратиш муносабати билан Ўзбекистон Республикасининг арим қонун ҳужжатларига ўзгартириш ва қўшимчалар киритиш тўғрисида”ги ЎРҚ-1047-сон Қонунини билан Ўзбекистон Республикасининг Фуқаролик процессуал кодексининг 209-моддасига, Ўзбекистон Республикасининг Иқтисодий процессуал кодексининг 166-моддасига, Ўзбекистон Республикасининг Маъмурий суд ишларини юритиш тўғрисидаги кодексининг 144-моддасига ўзгартириш ва қўшимчалар киритилди.

Унга кўра, Ўзбекистон Республикасининг Фуқаролик процессуал кодексининг 209-моддасининг иккинчи ва учинчи қисмлар қуйидаги таҳрирда, яъни:

«Ишда иштирок этувчи шахсларнинг видеоконференцалоқа режимидаги суд мажлисида иштирок этишини таъминлаш учун кўрсатилган шахсларнинг яшаш жойи, жойлашган ери ёки турган жойи бўйича тегишли судларнинг видеоконференсалоқа тизимларидан ёхуд ишни кўраётган суднинг мобил видеоконференцалоқа тизимидан фойдаланилади.

Ишда иштирок этувчи шахсларнинг видеоконференцалоқа режимидаги суд мажлисида иштирок этишини таъминлаётган суд ушбу шахсларнинг келган-келмаганлигини текширади ва келган шахсларнинг шахсини аниқлайди. Видеоконференцалоқа режимидаги суд мажлисида мобил видеоконференцалоқа тизимидан фойдаланган ҳолда иштирок этаётган шахсларнинг шахси ишни кўраётган суд томонидан ахборот технологияларидан фойдаланган ҳолда аниқланади» деб баён этилиши;

қуйидаги мазмундаги тўртинчи қисм билан, яъни:

«Видеоконференцалоқа режимидаги суд мажлисида видеоконференцалоқа тизимидан фойдаланган ҳолда иштирок этаётган гувоҳларга, экспертларга, мутахассисларга, таржимонларга ўз ҳуқуқлари, мажбуриятлари ва жавобгарлиги тушунтирилганлиги, шунингдек гувоҳнинг қасамёди аудио- ва видеоёзув орқали қайд этилади ва бу ҳақда суд мажлиси баённомасида кўрсатилади» деб тўлдириш белгиланган.

Ўзбекистон Республикасининг Иқтисодий процессуал кодексининг 166-моддаси қуйидаги мазмундаги учинчи қисм билан, яъни:

«Ишда иштирок этувчи шахсларнинг видеоконференцалоқа режимидаги суд мажлисида иштирок этишини таъминлаш учун кўрсатилган шахсларнинг яшаш жойи, жойлашган ери ёки турган жойи бўйича тегишли судларнинг видеоконференцалоқа тизимларидан ёхуд ишни кўраётган суднинг мобил видеоконференцалоқа тизимидан фойдаланилади» деб тўлдириш белгиланган;

учинчи ва тўртинчи қисмлар тегишинча тўртинчи ва бешинчи қисмлар деб ҳисобланиши;

қуйидаги мазмундаги бешинчи қисм билан, яъни:

«Видеоконференцалоқа режимидаги суд мажлисида видеоконференцалоқа тизимидан фойдаланган ҳолда иштирок этаётган гувоҳларга, экспертларга, мутахассисларга, таржимонларга ўз ҳуқуқлари, мажбуриятлари ва жавобгарлиги тушунтирилганлиги аудио- ва видеоёзув орқали қайд этилади ва бу ҳақда суд мажлиси баённомасида кўрсатилади» деб тўлдирилиши белгиланган;

бешинчи қисм олтинчи қисм деб ҳисобланиши кўрсатиб ўтилган.

Бундан ташқари, Ўзбекистон Республикасининг Маъмурий суд ишларини юритиш тўғрисидаги кодексининг 144-моддаси қуйидаги мазмундаги учинчи қисм билан:

«Ишда иштирок этувчи шахсларнинг видеоконференцалоқа режимидаги суд мажлисида иштирок этишини таъминлаш учун кўрсатилган шахсларнинг яшаш жойи, жойлашган ери ёки турган жойи бўйича тегишли судларнинг видеоконференцалоқа тизимларидан ёхуд ишни кўраётган суднинг мобил видеоконференцалоқа тизимидан фойдаланилади» деб тўлдирилди;

учинчи ва тўртинчи қисмлар тегишинча тўртинчи ва бешинчи қисмлар деб ҳисоблаш белгиланди;

қуйидаги мазмундаги бешинчи қисм билан, яъни:

«Видеоконференсалоқа режимидаги суд мажлисида видеоконференсалоқа тизимидан фойдаланган ҳолда иштирок этаётган гувоҳларга, экспертларга, мутахассисларга, таржимонларга ўз ҳуқуқлари, мажбуриятлари ва жавобгарлиги тушунтирилганлиги аудио- ва видеоёзув орқали қайд этилади ва бу ҳақда суд мажлиси баённомасида кўрсатилади» деб тўлдириш белгиланди;

бешинчи қисм олтинчи қисм деб ҳисобланиши белгилаб қўйилди.

Шунингдек, Ўзбекистон Республикасининг 2025-йил 11-мартдаги ЎРҚ-1047-сон Қонунининг 4-моддасида Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминлаш кўрсатиб ўтилган.

 

Саноқулов Фазлиддин,

 

Навоий вилоят маъмурий судининг судьяси

Коррупцияга қарши курашиш ва унинг олдини олиш – жамият тараққиётидаги ўта муҳим вазифа

Зарафшон шаҳар судларининг ташаббуси билан Зарафшон шаҳар Мактабгача ва мактаб таълими тизимидаги таълим муассасалари раҳбарлари ва устоз-мураббийлари ҳамда Зарафшон шаҳар тиббиёт бирлашмаси ишчи ходимлари иштирокида коррупцияни олдини олишга қаратилган давра суҳбати ташкил этилди.

Дастлаб судьялар Ўзбекистон Республикаси Президентининг жорий йилнинг 5 март куни Коррупцияга қарши курашиш бўйича Миллий кенгаш йиғилишида сўзлаган нутқидан келиб чиқадиган муҳим вазифалар, корупсияга қарши курашиш, унга нисбатан муросасизлик ҳиссини шакллантириш ва ушбу иллатга қарши курашиш борасида мамалакатимизда олиб борилаётган чора-тадбирлар бўйича амалга оширилиши лозим бўлган ишлар тўғрисида тушунтиришлар берилди.

Барча тизимда коррупция ҳолатларини келтириб чиқарувчи сабаб ва шарт-шароитларни чуқур ўрганиш ва таҳлил қилиш, коррупцияга қарши курашиш ва унинг олдини олиш тизимини самарали йўлга қўйиш, коррупцияга нисбатан муросасиз муносабатда бўлиш талаб этилаётганлигига алоҳида эътибор қаратилиб, судлар томонидан коррупция билан боғлиқ жиноят содир этган шахсларга нисбатан ишлар кўрилиб, қонунга асосан тегишли жазо чоралари қўлланаётган бўлсада, барча соҳаларда коррупция билан боғлиқ жиноятларни содир этилиши давом этаётганлиги, жумладан, таълим соҳасида ҳам жамиятнинг ривожланишига асосий тўсиқлардан бўлган бу каби жиноятларни содир этилаётганини кузатиш мумкинлигини таъкидланди.

Барча соҳалар каби таълим тизимида ҳам ушбу иллатга қарши курашиш, уни олдини олиш борасида амалга оширилиши лозим бўлган ишлар юзасидан тўхталиб ўтилди.

Тадбир сўнгида судьялар томонидан йиғилиш иштирокчиларига хизмат вазифасини амалга ошириш жараёнида қонун талабларига зид бўлган ташқи таъсирларга берилмаслик, у ёки бу харакатни амалга ошириш ёки харакатсизлиги учун пул-моддий қимматликлар, қимматбахо буюмлар ва хизматлар кўринишида хақ олмаслик, ўз вазифаларини суиистеъмол қилмасликлари лозимлигини, хизмат фаолияти давомида пора олиш ва беришда воситачилик қилмаслик, шу билан бирга, ўзларига юклатилган вазифаларни виждонан бажаришлари лозимлиги тушунтирилди.

 

Исоков Анвар,

Жиноят ишлари бўйича Зарафшон шаҳар судининг раиси

 

Ғофуров Шерзод,

Зарафшон туманлараро иқтисодий судининг раиси

 

Очилов Шерали,

Фуқаролик ишлари бўйича Зарафшон туманлараро судининг раиси

 

Эргашева Дилобар,

Жиноят ишлари бўйича Зарафшон шаҳар судининг тергов судьяси

 

Насриев Анвар,

Фуқаролик ишлари бўйича Зарафшон туманлараро судининг судьяси

Навоий вилоят суди судьялари томонидан ўтказилган хусусий ажрим муҳокамаси тафсилотлари

Хусусий ажрим қонун ҳужжатлари асосида судларга юклатилган муҳим вазифаларни бажаришнинг процессуал воситаларидан бири сифатида қонунчиликни мустаҳкамлаш ва ҳуқуқбузарликни олдини олиш, жамиятда қонунга ва судга нисбатан ҳурматда бўлиш муносабатини шакллантириш каби муҳим вазифаларни амалга оширувчи ҳамда қонунчилик ҳужжатларини бузилиш ҳолатларига ва уни бузаётган шахсларга нисбатан суд томонидан қўлланиладиган ҳуқуқий таъсир чораси ҳисобланади.

Шундай экан, суд томонидан қабул қилинган хусусий ажрим аниқ мақсадга қаратилган ва таъсирчан бўлгандагина ўз натижасини беради, акс ҳолда суд ҳужжати оддий қоғоздан фарқ қилмай қолади.

Навоий вилоят суди иқтисодий ишлар бўйича судлов ҳайъати томонидан Навоий кон-металлургия комбинати жамғармаси давлат муассасаси билан боғлиқ низо юзасидан суд муҳокамасида аниқланган давлат муассасаси тизимидаги корхона мансабдор шахслари томонидан йўл қўйилган қонунбузилиш ҳолатларини баратараф этиш ва келгусида такрорламаслик мақсадида 2025 йил 14 март кунида хусусий ажрим қабул қилиниб, ижросини таъминлаш учун Навоий кон-металлургия комбинати жамғармаси давлат муассасасига юборилган эди.

Суднинг мазкур хусусий ажрими муҳокамаси Навоий кон-металлургия комбинати жамғармаси давлат муассасаси тизимидаги барча корхона ва ташкилотлар раҳбарлари ва масъуллари  ва Навоий вилоят суди иқтисодий ишлар бўйича судлов ҳайъати судьялари иштирокида ўтказилиб, хусусий ажримда қайд этилган қонунбузилиш ҳолатлари танқидий жиҳатдан кўриб чиқилди ва тегишли чора тадбирлар белгилаанди.

Шу куннинг ўзида, судьялар томонидан Навоий кон-металлургия комбинати жамғармаси давлат муассасаси ва унинг тизимидаги корхона ва ташкилотлар раҳбарлари иштирокида учрашув ташкил этилиб, унда давлатимиз раҳбарининг жорйи йилнинг 5 март кунида Коррупцияга қарши курашииш миллий кенгашида сўзлаган нутқидан келиб чиқувчи муҳим вазифалар, коррупцияга қарши курашииш соҳасида амалга оширилаётган ислоҳотлар юзасидан фикр мулоҳазаалар билдирилди.

 

 

Қаҳҳоров Турғунбой,

Навоий вилоят судининг судьяси

 

Умаров Нурбек,

Навоий вилоят судининг судьяси

Суд-ҳуқуқ тизими ҳамда йўл ҳаракати қоидаларига оид қонунчилик, бу борада амалга оширилган ислоҳотлар юзасидан давра суҳбати ташкил этилди

Мазкур давра суҳбати “Навоий кон-металлургия комбинати” акциядорлик жамияти 7-Гидрометаллургия заводининг меҳнат жамоаси иштирокида Жиноят ишлари бўйича Зарафшон шаҳар суди тергов судьяси Д.Эргашева ва Зарафшон туманлараро иқтисодий суди раиси Ш.Ғофуров томонидан ташкил этилиб, маързачилар ўзларининг тушунтиришлари орқали мавзуга доир масалалар хусусида сўз юритишди.

Хусусан, тадбир давомида суд-ҳуқуқ тизимига оид қонунчилик, бу борада амалга оширилган ислоҳотлар, шунингдек йўл ҳаракати қоидаларига оид қонунчилик, мазкур қонунчилик талаблари бузилганлиги учун маъмурий жарималар миқдори оширилиб, бошқа жазолар қўлланилиши ҳам кўчайтирилганлиги, бу борада Маъмурий жавобгарликка тортиш тўғрисидаги кодексга ҳам тегишли ўзгартириш ва қўшимчалар киритилганлиги, бунга сабаб бўлган заруратлар, шунингдек ёд ғояларга берилмаслик, жиноят ва ҳуқуқбузарлик содир этишдан ўзини сақлаш, ушбу турдаги қилмишлар содир этилганлиги учун қонунда белгиланган жавобгарлик ва жазо чоралари суд амалиётида кўрилган ишлар мисолида тушунтириб берилди.

Шунингдек, Ўзбекистон Республикасининг 2025 йил 11 мартдаги “Аҳолига суд муҳокамаларида масофадан иштирок этиш учун янада қулай шароитлар яратилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги ЎРҚ-1047-сон Қонунининг мазмун-моҳияти тўлиқ тушунтирилди.

Таъкидлаш ўринлики, давра суҳбати қизғин баҳс-мунозара шаклида давом этиб, тадбирда иштирокчилар ўзларини қизиқтирган саволларга атрофлича жавоб олишди.

 

Ғофуров Шерзод,

Зарафшон туманлараро иқтисодий судининг раиси

 

Эргашева Дилобар,

Жиноят ишлари бўйича Зарафшон шаҳар судининг тергов судьяси

Жиноят ишлари бўйича Конимех туман суди томонидан ўтказилган сайёр суд ва ҳуқуқий тарғибот тадбири тафсилотлари

Конимех Туман Политехникуми биносида жиноят ишлари бўйича Конимех туман суди томонидан жиноят ҳамда ҳуқуқбузарлик олдини олиш мақсадида сайёр суд мажлиси ўтказилди.

Утказилган сайёр суд мажлисида жиноят ва маъмурий ҳуқубузарлик содир этган бир нечта шахсларга нисбатан бўлган жиноят ва маъмурий ҳуқуқбузарликка оид ишлари кўриб чиқилиб, сайёр суд мажлиси иштирокчилари гувоҳлигида суд қарорлари эълон қилинди.

Бундай сайёр суд мажлисларини ўтказишдан кўзланган асосий мақсад, жиноят кўчасига кириб қолган ёки жиноят содир этишга мойиллиги бўлган шахсларга жиноят учун жазо муқаррарлигини эслатиш ва шу орқали келиб чиқиши мумкин бўлган салбий оқибатларни олдини олишдан иборатдир.

Сайёр суд мажлиси якунига уланиб кетган тарғибот тадбирида сўзга чиққанлар, суд-ҳуқуқ соҳасидаги ислоҳотлар, шунингдек, жиноятчилик ва ҳуқуқбузарликларни олдини олиш борасида қилинаётган барча ишлар, қабул қилинаётга қонунлар барчаси “Инсон қадри ва манфаатлари учун” эканлиги, буни ҳар-бир Ўзбекистон фуқароси ич-ичидан ҳис қилиши ва жиноятчиликка қарши биргаликда муросасиз курашиш лозимлиги таъкидланди.

Шунингдек, йиғилганларга судьялар томонидан янги таҳрирдаги Ўзбекистон Республикаси Конституциясининг ва Ўзбекистон Республикаси Президентининг 2025 йил 3 январдаги “2025-йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сон Қарори мазмун моҳияти ҳамда ЎРҚ-1047-сон Қонун юзасидан батафсил тушунтириш берилди.

Тадбир сўнгида судьялар томонидан йиғилганларга ўзларини қизиқтирган ҳуқуқий соҳага оид саволларига жавоб берилди.

 

Тухтаев Ҳабибулло,

Жиноят ишлари бўйича Конимех судининг раиси

 

Райимов Мақсуд,

Жиноят ишлари бўйича Конимех туман судининг тергов судьяси

Суд ҳокимиятининг мустақиллигини мустаҳкамлаш борасидаги муҳим ўзгаришлар

Ўзбекистон Республикаси Конституциясининг 130 моддасига кўра, Ўзбекистон Республикасида одил судлов фақат суд томонидан амалга оширилади.

Ўзбекистон Республикасида суд ҳокимияти қонун чиқарувчи ва ижро этувчи ҳокимиятдан, сиёсий партиялардан, фуқаролик жамиятининг бошқа институтларидан мустақил ҳолда иш юритади.

Янги таҳрирдаги Конституциямизда суд ҳокимиятининг мустақил ҳолда иш юритишига ва судьялар муайян ишлар бўйича ҳисобдор бўлмаслигига оид конституциявий кафолатларни белгилаб қўйилишлиги суд ҳокимиятининг чинакам мустақиллигини таъминлашга қаратилган муҳим бир қадам бўлди.

Зеро, “Янги Ўзбекистон-янги суд” тамойили асосида амалга оширилаётган суд ҳуқуқ ислоҳотларини бош мезони мамлакатимизда суд ҳуқуқ тизимини янада такомиллаштириш, “Инсон қадри учун” принципи асосида инсон ҳуқуқлари ва манфаатларини кафолатли таъминлаш, шу жумладан тадбиркорлик субъектларининг ҳуқуқ ва қонуний манфаатларини ишончли ҳимоя қилиш чораларини кучайтириш экан, бу борада одил судловни амалга оширувчи суднинг чинкам мустақиллигини таъминлаш муҳим аҳамият касб этади.

2024 йилнинг 14 август кунида қабул қилинган “Ўзбекистон Республикасининг айрим қонун ҳужжатларига суд ҳокимиятининг мустақиллиги кафолатларини мустаҳкамлашга, судлар фаолияти ҳақида жамоатчиликни хабардор қилишга ҳамда ягона суд амалиётини таъминлашга қаратилган ўзгартириш ва қўшимчалар киритиш тўғрисида”ги Қонун билан суд ҳокимиятининг мустақиллиги кафолатларини янада мустаҳкамлашга, жамиятнинг судлар фаолияти тўғрисида мунтазам ахборот олиши учун мустаҳкам ҳуқуқий асосларни яратишга, судьялар зиммасига одил судловни амалга ошириш билан боғлиқ бўлмаган бирор-бир мажбурият юклатилишининг олдини олишга ҳамда улар фаолиятининг шаффофлигини таъминлашга, шунингдек қонунчиликдаги айрим бўшлиқлар ва зиддиятларни бартараф этишга оид муҳим ўзгартиришлар киритилди.

Муқаддам “Судлар тўғрисида”ги Ўзбекистон Республикаси қонунида суд раисларининг суднинг фуқаролар ҳуқуқлари ва эркинликларини, шунингдек юридик шахсларнинг ҳуқуқлари ва қонун билан қўриқланадиган манфаатларини суд орқали ҳимоя қилишни амалга оширишга доир фаолияти тўғрисида Маҳаллий Кенгашларга бир йилда камида бир марта ахборот тақдим этиш мажбурияти белгиланган бўлиб, мазкур қоида қайсидир даражада суднинг мустақиллигига ўз таъсирини кўрсатар эди.

Ушбу Қонун билан Ўзбекистон Республикасининг айрим қонун ҳужжатларига судлар раисларининг халқ депутатлари маҳаллий Кенгашларига бир йилда камида бир марта ахборот тақдим этиши ҳақидаги қоидани бекор қилишни, ўз навбатида судларнинг ўз фаолияти тўғрисида жамоатчиликни ҳар чоракда оммавий ахборот воситалари орқали хабардор қилиб боришга оид қоидалар киритилди.

Шунингдек мазкур Қонун билан Ўзбекистон Республикасининг “Судлар тўғрисида”ги, «Прокуратура тўғрисида»ги, «Маҳаллий давлат ҳокимияти тўғрисида»ги«Ўзбекистон Республикаси Савдо-саноат палатаси тўғрисида»ги, «Давлат божи тўғрисида»ги қонунларга тегишли ўзгартириш ва қўшимчалар киритилди.

 

Қаҳҳоров Турғунбой,

Навоий вилоят судининг судьяси

Жиноят ишлари бўйича Навоий шаҳар суди томонидан ўтказилган сайёр суд ва ҳуқуқий тарғибот тадбири тафсилотлари

Навоий Давлат Университети қошидаги академик лицей биносида жиноят ишлари бўйича Навоий шаҳар суди томонидан жиноят ҳамда ҳуқуқбузарлик олдини олиш мақсадида сайёр суд мажлиси ўтказилди.

Утказилган сайёр суд мажлисида жиноят ва маъмурий ҳуқубузарлик содир этган бир нечта шахсларга нисбатан бўлган жиноят ва маъмурий ҳуқуқбузарликка оид ишлари кўриб чиқилиб, сайёр суд мажлиси иштирокчилари гувоҳлигида суд қарорлари эълон қилинди.

Бундай сайёр суд мажлисларини ўтказишдан кўзланган асосий мақсад, жиноят кўчасига кириб қолган ёки жиноят содир этишга мойиллиги бўлган шахсларга жиноят учун жазо муқаррарлигини эслатиш ва шу орқали келиб чиқиши мумкин бўлган салбий оқибатларни олдини олишдан иборатдир.

Сайёр суд мажлиси якунига уланиб кетган тарғибот тадбирида сўзга чиққанлар, суд-ҳуқуқ соҳасидаги ислоҳотлар, шунингдек, жиноятчилик ва ҳуқуқбузарликларни олдини олиш борасида қилинаётган барча ишлар, қабул қилинаётга қонунлар барчаси “Инсон қадри ва манфаатлари учун” эканлиги, буни ҳар-бир Ўзбекистон фуқароси ич-ичидан ҳис қилиши ва жиноятчиликка қарши биргаликда муросасиз курашиш лозимлиги таъкидланди.

Шунингдек, йиғилганларга судьялар томонидан янги таҳрирдаги Ўзбекистон Республикаси Конституциясининг ва Ўзбекистон Республикаси Президентининг 2025 йил 3 январдаги “2025-йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сон Қарори мазмун моҳияти ҳақида батафсил тушунтириш берилди.

жиноятлар учун қонунчиликда назарда тутилган жазо чоралари ҳақида батафсил тушунтириш берилди.

Тадбир сўнгида судьялар томонидан йиғилганларга ўзларини қизиқтирган ҳуқуқий соҳага оид саволларига жавоб берилди.

 

Алиқулов Баходир,

Жиноят ишлари бўйича Навоий шаҳар судининг раиси

 

Пардаева Дилобар,

Жиноят ишлари бўйича Навоий шаҳар судининг судьяси

 

Болтаев Суннатжон,

Жиноят ишлари бўйича Навоий шаҳар судининг тергов судьяси

 

Исмаилов Улуғбек,

Жиноят ишлари бўйича Навоий шаҳар судининг тергов судьяси

Жиноят ишлари бўйича Хатирчи туман судининг ташаббуси туман тиббиёт бирлашмасида “Коррупцияга қарши курашиш ва унинг олдини олиш” мавзусида ўтказилган семинар тафсилотлари

Коррупцияга қарши курашиш давр талаби, бу иллат оғир оқибатларга олиб келишини кенг жамоатчиликка тушунтириш мақсадида жиноят ишлари бўйича Хатирчи туман суди раиси Ш.Мамиров томонидан Хатирчи туман Тиббиёт бирлашмаси ходимлари иштирокида каррупцияни олдини олишга қаратилган масалалар бўйича давра суҳбати ўтказилди.

Йиғилишда, туман суди раиси дастлаб Ўзбекистон Республикаси Президентининг жорий йилнинг 5 март куни Коррупцияга қарши курашиш бўйича Миллий кенгаш йиғилишида сўзлаган нутқидан келиб чиқадиган муҳим вазифалар, корупсияга қарши курашиш, унга нисбатан муросасизлик ҳиссини шакллантириш ва ушбу иллатга қарши курашиш борасида мамалакатимизда олиб борилаётган чора-тадбирлар бўйича амалга оширилиши лозим бўлган ишлар тўғрисида тушунтиришлар берилди.

Барча тизимда коррупция ҳолатларини келтириб чиқарувчи сабаб ва шарт-шароитларни чуқур ўрганиш ва таҳлил қилиш, коррупцияга қарши курашиш ва унинг олдини олиш тизимини самарали йўлга қўйиш, коррупцияга нисбатан муросасиз муносабатда бўлиш талаб этилмоқда.

Ўзбекистон Республикасининг 2017 йил 3 январдаги “Коррупцияга қарши курашиш тўғрсида”ги қонунига асосан, қонунийлик, фуқаролар ҳуқуқлари, эркинликлари ва қонуний манфаатларининг устуворлиги, очиқлик ва шаффофлик, тизимлилик, давлат ва фуқаролик жамиятининг ҳамкорлиги, коррупциянинг олдини олишга доир чора-тадбирлар устуворлиги ҳамда жавобгарликнинг муқаррарлиги, коррупцияга қарши курашишнинг асосий принциплари ҳисобланади.

Судлар томонидан коррупция билан боғлиқ жиноят содир этган шахсларга нисбатан ишлар кўрилиб, қонунга асосан тегишли жазо чоралари қўлланаётган бўлсада, барча соҳаларда коррупция билан боғлиқ жиноятларни содир этилиши давом этаётганлиги, жумладан, тиббиёт соҳасида ҳам жамиятнинг ривожланишига асосий тўсиқлардан бўлган бу каби жиноятларни содир этилаётганини кузатиш мумкинлигини таъкидлаб ўтди.

Барча соҳаларда каби тиббиёт соҳасида ҳам ушбу иллатга қарши курашиш, уни олдини олиш борасида амалга оширилиши лозим бўлган ишлар юзасидан гапириб ўтиб, статистик маълумотларга кўра биргина
2025 йилнинг 1-чорагида вилоят миқёсида туман, шаҳар судлари томонидан тиббиёт соҳасида коррупция билан боғлиқ содир этилган 3 та жиноят иши кўриб чиқилган ва айбдор шахсларга жазо чоралари қўлланганлиги, судлар томонидан кўрилган коррупциявий жинояти учун соҳа ходимлари ҳам жиноий жавобгарликка тортилганликлари, ушбу жиноий қилмишнинг ҳуқуқий оқибатлари ҳақида батафсил сўз юритилди.

Йиғилиш якунида туман суди раиси томонидан йиғилиш иштирокчиларига хизмат вазифасини амалга ошириш жараёнида қонун талабларига зид бўлган ташқи таъсирларга берилмаслик, у ёки бу харакатни амалга ошириш ёки харакатсизлиги учун пул-моддий қимматликлар, қимматбахо буюмлар ва хизматлар кўринишида хақ олмаслик, ўз вазифаларини суиистеъмол қилмасликлари лозимлигини, хизмат фаолияти давомида пора олиш ва беришда воситачилик қилмаслик, шу билан бирга, ўзларига юклатилган вазифаларни виждонан бажаришлари лозимлиги тушунтирилди.

 

Мамиров Шерзод,

Жиноят ишлари бўйича Хатирчи туман судининг раиси

 

Норбеков Аслиддин,

Жиноят ишлари бўйича Хатирчи туман судининг тергов судьяси

Skip to content