Судья иштирокида очиқ дарс ўтказилди
Ёшларда
ҳуқуқий маданиятни шакллантириш мактаб давридан бошланса яхши натижага эриши
мумкин. Ҳуқуқий билимга эга бўлган фуқаролар эса ҳуқуқбузарликка қўл урмайди.
Навоий
вилоят маъмурий суди судьяси Ғ.Абдухолиқов томонидан Конимех туманидаги 9-сонли
умумий ўрта таълим мактабида ўн биринчи синф ўқувчилари учун очиқ дарс
машғулоти ўтказилди.
Мулоқотларда
ўқувчиларга суд тизимидаги ислоҳотлар, қонунчиликдаги сўнгги ўзгартириш ва
қўшимчалар ҳақида маълумот берди.
Жумладан,
суд ҳокимиятининг одил судловни таъминлашдаги ўрни, судларда кўриладиган ишлар
тоифаси, судга мурожаат қилиш тартиби ва “my.sud.uz” электрон платформаси
орқали масофавий интерактив хизматлардан фойдаланиш тушунтирилди.
Шунингдек,
ҳуқуқбузарлик тушунчаси ва унинг учун жавобгарлик, фуқаролик ҳуқуқи асослари бўйича
маълумот берилиб, ўқувчиларнинг ҳуқуқбузарликларнинг олдини олиш бўйича
фикр-мулоҳазалари эшитилди.
Абдухолиқов Ғалим,
Навоий вилоят маъмурий судининг судьяси