Қидирув:

Учқудуқ туманида «Судья ва ёшлар учрашуви» давомида мактаб ўқувчиларининг ҳуқуқий билимларини ошириб боришга эътибор қаратилмоқда

Жиноят ишлари бўйича Учқудуқ туман судининг раиси томонидан Учқудуқ туман 5-сонли мактабда туман судининг раиси бошчилигида ўқувчи ёшларга Конституциявий ҳуқуқ ва бурчлар мавзусида қисқа очиқ дарс ва мулоқот ўтказилди.

Бунда суд раиси томонидан ўқувчи ёшларнинг ҳуқуқий билимини янада ошириш учун турли хил казус ва савол жавоблар ўтказиди.

Ўзбекистон Республикасида инсоннинг ҳуқуқ ва эркинликлари халқаро ҳуқуқнинг умумеътироф этилган нормаларига биноан ҳамда ушбу Конститутсияга мувофиқ эътироф этилади ва кафолатланади. Инсон ҳуқуқ ва эркинликлари ҳар кимга туғилганидан бошлаб тегишли бўлади.

Ўзбекистон Республикасида барча фуқаролар бир хил ҳуқуқ ва эркинликларга эга бўлиб, жинси, ирқи, миллати, тили, дини, эътиқоди, ижтимоий келиб чиқиши, ижтимоий мавқейидан қатъи назар, қонун олдида тенгдирлар.

Имтиёзлар фақат қонунга мувофиқ белгиланади ва ижтимоий адолат принципларига мос бўлиши шарт.

Шунингдек ўқувчи ёшларни суд соҳаси бўйича қизиқтирган саволларга туман суди раиси А.Курбонов томонидан жавоблар берилди.

Шундан сўнг суд раиси судьялик касби ҳақида қисқача ҳар соҳа, ҳар касбнинг ўзига яраша машақати ва масъулияти бор, албатта. Судянинг зиммасидаги масъулият эса бежиз уларга нисбатан нафақат хизмат пайтида, ҳатто хизматдан ташқари пайтларида муайян чекловлар қўйилмаган. Негаки, судянинг ҳатто хизматдан ташқари пайтдаги билиб-билмай қилган ҳатти-ҳаракатисуднинг нуфузи салбий таъсир кўрсатади. Ҳар қандай жиноят фуқаролик ёки оммавий маъмурий ҳамда иқтисодий низоларга айнан судда нуқта қўйилади, шунинг учун судялар ўзининг холислиги, мустақиллиги ва беғаразлиги салбий таъсир кўрсатадиган ҳатти-ҳаракатлардан тийилиши шарт дея сўзига якун ясади.

 

Қурбонов Акмал,

Жиноят ишлари бўйича Учқудуқ туман судининг раиси 

Эндиликда тадбиркорлар фаолиятида ноқонуний текширувларнинг олди олинaди

Сўнгги йилларда мамлакатимизда тадбиркорлик фаолиятини ривожлантириш, уларга янада қулай шарт-шароитлар яратиш борасида бир қатор самарали ислоҳотлар амалга оширилди.

Тадбиркорлик субъектларининг фаолиятига давлат ва бошқа назорат қилувчи органларнинг аралашувини олдини олиш ҳамда уларнинг ҳуқуқ ва қонуний манфаатларини ҳимоя қилиш бўйича комплекс чора-тадбирлар амалга оширилди.

Хусусан, Ўзбекистон Республикаси Президентининг 2024 йил 14 ноябрдаги ПФ-184-сон Фармони қабул қилиниши ҳам бунга яна бир мисол ҳисобланади.

Фармонга кўра, тадбиркорлик субъектлари фаолиятини назорат қилишга ваколатли органлар ва уларнинг назорат соҳалари рўйхати 1-иловага мувофиқ тасдиқланиб, мазкур рўйхатга жами 43 та назорат қилувчи органлар киритилди.

Бунда ушбу рўйхатга киритилмаган органлар ҳамда ташкилотлар томонидан ҳамда назорат соҳасида назарда тутилмаган масалалар бўйича тадбиркорлик субъектлари фаолиятида назорат тадбирларини ўтказиш тақиқланиши белгиланди.

Шунингдек, 2025 йил 1 январдан бошлаб тадбиркорлик субъектлари фаолиятида ўтказиладиган барча текширувлар «Ягона давлат назорати» ахборот тизимида рўйхатга олиш орқали Бизнес-омбудсманни хабардор этиш тартибида амалга оширилиши қайд этилди.

Бунда текшириладиган тадбиркорлик субъекти аниқ бўлмаган ҳолатларда, шунингдек, фуқароларнинг ҳаёти ва соғлиғига, жамоат хавфсизлигига, давлат манфаатларига, атроф-муҳитга зарар етказиш хавфининг тезкор олдини олиш ёки бартараф этиш мақсадида тадбиркорлик субъектлари фаолиятида “Назорат функциялари”га мувофиқ текширувлар текширув бошлангандан сўнг 24 соат ичида «Ягона давлат назорати» ахборот тизимида рўйхатга олиш орқали Бизнес-омбудсманни хабардор этиш тартибида амалга оширилиши назарда тутилди.

Бундан ташқари, 2025 йил 1 январдан бошлаб назорат қилувчи органлар томонидан «Хавфни таҳлил қилиш» электрон тизими жорий этилиб, текширув ва профилактика тадбирларини ташаббус этиш ушбу тизим натижалари асосида амалга оширилиши маълумот учун қабул қилинди.

Хулоса ўрнида шуни таъкидлаш жоизки, мазкур Фармоннинг қабул қилиниши назорат қилувчи органларнинг тадбиркорлик фаолиятида текширишларни ўтказиш борасидаги масъулиятини янада оширишга ҳамда тадбиркорлик субъектларининг ҳуқуқ ва қонуний манфаатларини ҳимоя қилишга хизмат қилади.

 

Дилшод Турдиев,

Учқудуқ туман иқтисодий судининг раиси

Кармана туманида ўтказилган сайёр суд ва тарғибот тадбири тафсилотлари

Жиноят ишлари бўйича Кармана тумани судининг раиси Ж.Каримов раислигида, Кармана тумани прокуратураси ва Кармана тумани ИИБ ЖХХ Пробация гуруҳи ходимлари иштирокида Кармана туманининг “Талқоқ” маҳалла фуқаролар йиғини биносида ўтказилган сайёр суд мажлисида туман Пробация назоратида турган 20 нафар маҳкумларнинг ўтаётган жазоларини муддатидан илгари шартли равишда озод қилиш билан боғлиқ тақдимномалар кўриб чиқилди ва ушбу тақдимномалар мазмунан кўриб чиқилиб, қаноатлантирилди.

Шунингдек, йиғилишда Кармана туманида судланганлар рўйхатида турган ёшларнинг суд-ҳуқуқий масалалар бўйича муаммолари жойида ўрганилиб, уларга ҳуқуқий маслаҳатлар берилди.

Йиғилиш давомида, Кармана тумани ИИБ ЖХХ Профилактика инспекторлари иштирокида, Ўзбекистон Республикаси Президентининг 2025 йил 3 январдаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида”ги ПҚ-1-сонли Қарори мазмун ва моҳияти тарғибот иштирокчилари эътиборига етказилди.

Шу билан бирга, йиғилиш давомида Ўзбекистон Республикаси Жиноят Кодексининг турли моддалар билан судланган А.Шодиев, А.Каримов, Ё.Асадов, Б.Темиров, Д.Сапарова, И.Кенжебаева, А.Рўзиев, Н.Бозоров, Ж.Самандаров, А.Юсупов, С.Ғойибов, Б.Каримов, Т.Юсупов, А.Усмонов ва бошқаларга оид жиноят ишлари бўйича чиқарилган суд ҳукмлари ва хусусий ажримлар муҳокама қилинди.

 

 

Каримов Жаҳонгир,

Жиноят ишлари бўйича Кармана туман судининг раиси

Жиноят ишлари бўйича Томди туман судининг раиси А.Мирзаева томонидан Зарафшон шаҳрида жойлашган 12-сон жазони ижро этиш колониясида тарғибот тадбири ва сайёр суд мажлислари ўтказилди

Инсонпарварлик – инсоннинг қадри, эркинлиги, бахт саодати, тенг ҳуқуқлиги тўғрисида, инсонийликнинг барча тамойилларини юзага чиқариш учун шарт-шароитлар яратиб бериш ҳақида ғамхўрлик қилишни ифодаловчи тушунча ҳисобланади.

Бу борада, мамлакатимизда, инсоннинг ҳуқуқ ва манфаатларини ҳимоялаш мақсадида давлат сиёсатининг устувор йўналишлари белгилаб келинмоқда

Шу асосида, 2025 йил 23 январь куни жиноят ишлари бўйича Томди туман суди раиси А.Мирзаева бошчилигида ўтказилган очиқ суд мажлисида 8 нафар маҳкумлар содир этган жиноятларини моҳиятини тушуниб етганлиги, тузалиш йўлига кириб, ижтимоий меҳнатга нисбатан бўлган муносабати ижобий томонга ўзгарганлиги, ўрнатилган тартиб-қоида талабларни бажариб, меҳнатга ҳалол муносабатда бўлганлиги боис ўталмай қолган жазодан муддатидан илгари шартли равишда озод этилди ва енгилроғи билан алмаштирилди.

 

Мирзаева Азиза,

Жиноят ишлари бўйича Томди туман судининг раиси

“Суд-ҳуқуқ соҳасидаги ислоҳотлар”мавзусида ўқувчилар иштирокида семинар машғулоти ўтказилди

Навбаҳор тумани мактабгача ва мактаб таълим бўлими ҳамда Навбаҳор туманлараро иқтисодий суди, фуқаролик ишлари бўйича Навбаҳор туманлараро суди, жиноят ишлари бўйича Навбаҳор туман судлари ўртасида 2024 йил 17 декабрь куни ҳамкорлик меморандуми имзоланган. Ушбу меморандумга биноан, Навбаҳор туманида жойлашган 37 та мактабларда суд раислари режа-график асосида семинар машғулоти ўтказилишига келишилган.

Ушбу меморандум юзасидан Навбаҳор туманлараро иқтисодий суди биносида жорий йилнинг 22 январь куни Навбаҳор туманлараро иқтисодий суди раиси Б.Джумаев томонидан “Суд-ҳуқуқ соҳасидаги ислоҳотлар” мавзусида Навбаҳор тумани 2-мактаб ўқувчи ҳамда ўқитувчилари иштирокида семинар машғулоти ташкиллаштирилди.

Семинар машғулоти давомида суд раиси томониндан янги таҳрирдаги Ўзбекистон Республикаси Конституцияси мазмун-моҳияти, суд–ҳуқуқ соҳасида қонунчиликка киритилган ўзгартириш ва қўшимчалар, уларнинг мазмун моҳияти ва аҳамияти, суд тизими, судя, суд ходимлари ҳамда халқ маслаҳатчиларининг мақоми, суд мажлисини ўтказиш тартиби тўғрисида тушунтиришлар берилди.

Ўзбекистон Республикаси “Судлар тўғрисида”ги қонун 4-моддасига мувофиқ, суднинг асосий вазифалари фуқароларнинг Ўзбекистон Республикаси Конституцияси ва бошқа қонунлари, халқаро шартномаларида, шунингдек инсон ҳуқуқлари тўғрисидаги халқаро ҳужжатларда кафолатланган ҳуқуқлари ҳамда эркинликларини, давлат ва жамоат манфаатларини, юридик шахслар ҳамда якка тартибдаги тадбиркорларнинг ҳуқуқлари ва қонун билан қўриқланадиган манфаатларини ҳимоя қилишдан иборат.

Суд раиси суд соҳасида амалга оширилган ислоҳотлар тўғрисида сўз юритар экан, Ўзбекистон Республикаси Президентининг “Суд ҳокимияти органлари фаолиятини рақамлаштириш чора-тадбирлари тўғрисида”ги 4818-сонли қарорига асосан, судларга масофадан туриб мурожаат қилиш, суд мажлисларида видеоконферецалоқа тизимидан фойдаланиб иштирок этиш, судьялар ўртасида ишларни автоматик тарзда тақсимлаш, суд қарорларини интернет тармоғида эълон қилиш, ижро ҳужжатларини электрон шаклда мажбурий ижрога юбориш тизимлари жорий этилганлиги, судлар томонидан давлат органлари ва ташкилотларига тақдим этиладиган маълумотларни электрон шаклда юбориш, муайян ишни кўриш жараёнида зарур бўлган маълумотлар ва ҳужжатларни фуқароларни овора қилмаган ҳолда судлар томонидан бевосита давлат органлари ва ташкилотларидан электрон шаклда олиш, судлар томонидан жарималарни камайтириш ёки уларни қўлламаслик масалаларини кўриб чиқишда “Ижтимоий ҳимоя ягона реестри” ва бошқа ахборот тизимларининг интегратсияси орқали фуқаронинг мулкий ҳолати ва ижтимоий аҳволи ҳақидаги ишончли маълумотлар билан танишиш, судлар томонидан алимент миқдорини белгилашда туманлар кесимида ўртача ойлик иш ҳақлари тўғрисида маълумотларни ахборот тизими орқали электрон шаклда олиш каби имкониятлар яратилганлиги тўғрисида ёшларга маълумот берилди.

Ўзбекистон Республикаси Конституцияси 137-моддасига мувофиқ, ҳамма судларда ишлар очиқ кўрилади. Ишларни ёпиқ мажлисда тинглашга қонунда белгиланган ҳоллардагина йўл қўйилади.

Семинар давомида мактаб ўқувчилари очиқ суд мажлисида эркин тингловчи сифатида иштирок этиб, суд мажлисини олиб бориш тартиби билан ҳам яқиндан танишдилар.

Хусусан, судялар мажлис залига кириб келганида ва ундан чиқиб кетаётганида залда ҳозир бўлганларнинг барчаси ўринларидан туриши лозимлиги, суд жараёни иштирокчилари судга “Ҳурматли суд!” деган сўзлар билан мурожаат қилишлари, улар судга ўз тушунтиришлари ва кўрсатувларини, саволларга жавобларини тик туриб беришлари, бу қоидадан четга чиқишга фақат раислик қилувчининг рухсати билан йўл қўйилиши мумкинлиги ҳақида тушунтириш бериб ўтилди.

Суд раиси томонидан ишда иштирок этувчи шахслар иш материаллари билан танишиш, улардан кўчирмалар олиш, кўчирма нусха олиш, рад қилиш тўғрисида ариза бериш, далиллар тақдим этиш, далилларни текширишда иштирок этиш, саволлар бериш, илтимосномалар киритиш, арз қилиш, судга оғзаки ва ёзма тушунтиришлар бериш, ишни кўриш давомида юзага келадиган барча масалалар бўйича ўз важларини, хулосаларини тақдим қилиш, ишда иштирок этувчи бошқа шахсларнинг илтимосномалари, важларига эътироз билдириш, суд ҳужжатлари устидан шикоят қилиш (протест келтириш) ҳамда бошқа процессуал ҳуқуқлардан фойдаланиш ҳуқуқига эга эканлиги ҳақида ҳуқуқий тушунтириш берилди.

Айни жиҳатдан, юзма-юз мулоқотда ўқувчи ҳамда ўқитувчилар қонунчилик ислоҳотлари, суд тизимидаги ўзларини қизиқтирган саволлар билан мурожаат қилдилар. Саволларга ҳаётий мисоллар, амалиётда учрайдиган воқеа-ходисалар билан жавоб қайтарилгани семинар иштирокчиларини суд тизимига, судяликка бўлган қизиқишини янада оширди.

Ёшлар – эртанги кунимизнинг, Янги Ўзбекистоннинг эгаларидир. Шу жиҳатдан, уларни бугунги ислоҳотларга, юрт келажагига дахлдор этиб тарбиялаш, юксак марралар сари руҳлантириш – Ватан тараққиётига хизмат қилади. “Судя ва ёшлар” учрашуви ҳам айни жиҳатдан муҳим аҳамият касб этди.

 

 

Джумаев Бекзод,

 

                                              Навбаҳор туманлараро иқтисодий судининг раиси 

Суд ходимларининг яқин-қариндошлари билан учрашув ўтказилди

Жиноят ишлари бўйича Зарафшон шаҳар суди ҳамда жиноят ишлари бўйича Томди туман судида фаолият олиб бораётган суд ходимларнинг яқин қариндошлари билан учрашув ўтказилди. Учрашувда суд ходимларини ҳалол ва пок ишлашлари, судья ва суд ходимлари фуқаролар билан хушмуомилада бўлишлари, фуқаролар ва иш бўйича судга қатнашиш учун келадиган тарафлар билан муносабатга алоҳида эътибор қаратиш, суд ходимлари улар билан ортиқча муносабатга киришмаслик, мумкин бўлмаган маълумотларни тақдим этмаслик, ҳар хил учрашувларга чиқмасликлари, таниш-билиш ва ошна оғайнигарчиликларга йўл қўйган тақдирда бу суднинг номига доғ тушуриб, келгусида салбий ҳолатларни келтириб чиқариши мумкинлигини, келгусида нохуш ҳолатлар такрорланмаслиги учун ҳар бир суд ходимини ҳалол фаолият юритиши шартлиги, коррупция билан боғлиқ ҳар қандай ҳолатга кескин муносабт билдирилиши ва ходимларга кескин чоралар кўрилиши ҳақида тушунтирилди.

Суд ходимлари хизмат вазифасини амалга ошириш жараёнида қонун талабларига зид бўлган ташқи таъсирларга берилмаслик, у ёки бу ҳаракатни амалга ошириш ёки ҳаракатсизлиги учун пул-моддий қимматликлар, қимматбаҳо буюмлар ва хизматлар кўринишида ҳақ олмаслик, ўз вазифаларини суиистеъмол қилмаслик лозимлиги ҳақида қатъий уқтирилди.

Шунингдек, хизмат фаолияти давомида пора олиш ва беришда воситачилик қилмаслик, шу билан бирга, кўриладиган ишларга аралашмаслик, суд идорасидаги муҳитни бузмаслик, ўзига юклатилган вазифаларни виждонан бажариш, ижро интизоми, меҳнат интизомига, хизмат ва хизматдан ташқари вақтларда одоб-ахлоқ қоидаларига риоя этиш, берилган топшириқларни “Судлар тўғрисида”ги Қонун ҳамда “Иш юритиш тартиби тўғрисидаги йўриқнома”га қатъий амал қилган ҳолда тўлиқ ва тўғри ижро этишни таъминлаш, фуқаролар билан бўладиган муносабатларда муомала маданиятига риоя қилиш, юқори турувчи идоралар томонидан берилган топшириқларни ўз вақтида ва лозим даражада ижросини таъминлаш тушунтирилди.

Бундан ташқари хизмат ва хизматдан ташқари вақтларда Ўзбекистон Республикаси Судьялар олий кенгашининг 2018 йил 29 январдаги 490-сонли Қарори билан тасдиқланган “Судьялар одоб-ахлоқи кодекси”га,“Ўзбекистон Республикаси Олий суди, қуйи судлар, Олий суд ҳузуридаги судлар фаолиятини таъминлаш департаменти ва унинг ҳудудий бўлимлари учун ички меҳнат тартиби қоидалари” ҳамда Олий суд Раёсатининг 2017 йил 30 августдаги РС-32-17-сонли қарори билан тасдиқланган “Ўзбекистон Республикаси Олий суди, қуйи судлар, Олий суд ҳузуридаги Судлар фаолиятини таъминлаш департаменти ва унинг ҳудудий бўлимлари ходимларининг касб ва одоб-ахлоқ” қоидаларининг мазмун моҳияти ҳақида тушунтиришлар берилди, жумладан, иш бўйича тарафлардан ёхуд ўзга шахслар томонидан уларнинг манфаати юзасидан пул ёки бошқа қимматликлар пора сифатида таклиф қилинганида, Олий суди Раёсатининг 2017 йил 30 августдаги РС-30-17-сонли қарори билан тасдиқланган “Ўзбекистон Республикаси судлари судьяларининг одил судловни амалга оширишдаги ва суд ходимларининг хизмат вазифаларини бажаришдаги фаолияти давомида муайян ҳаракатларни бажариш ёки бажармаслик учун ҳақ (пора) таклиф қилинганлиги тўғрисида хабар бериш ва уни кўриб чиқиш тартиби”га асосан бу ҳақда раҳбариятга ёки жиноят ишлари бўйича Навоий вилоят судлари судьялари малака ҳайъатига дарҳол хабар бериш лозимлиги тушунтирилди.

 

Исоков Анвар,

Жиноят ишлари бўйича Зарафшон шаҳар судининг раиси

 

Эргашева Дилобар,

Жиноят ишлари бўйича Зарафшон шаҳар судининг тергов судьяси

 

Мирзаева Азиза

Жиноят ишлари бўйича Томди туман судининг раиси

Оила мустаҳкам ва тинч бўлса, жамият ҳам осойишта бўлади

Оила жамиятнинг асосий бўғини бўлиб, у мустаҳкам ва тинч бўлса, жамият ҳам осойишта, мустаҳкам ва фаровон бўлади. Аксинча, оилаларда парокандалик, бузғунчилик бўлса, ўша жамият бузилади, тинчи йўқолади ва оқибатда таназзулга юз тутади. Бахтли оилалар туфайли бахтли жамият вужудга келади.

Бугун фукаролик ишлари буйича Кармана туманлараро судида ажрим ёқасига келиб колган яна бир оила яраштирилиб, никох тузилганлиги хакидаги гувохномаси тарафларга топширилди. Тарафлар суд идорасига ўз миннатдорчилигини билдиришди.

 

Аминова Дилёра,

Фуқаролик ишлари бўйича Кармана туманлараро судининг судьяси

Одил судлов билан бир қаторда ёшлар таълими судларнинг доимий эътиборида

Навбаҳор туманидаги 1-мактаб биносида Навбаҳор туманлараро иқтисодий суди раиси Б.Джумаев, Навбаҳор туманлараро фуқаролик суди раиси А.Хамраев, жиноят ишлари бўйича Навбаҳор туман суди раиси А.Сайдуллаевлар томонидан ўқувчи ҳамда ўқитувчилар иштирокида семинар машғулоти ўтказилди.

Семинар машғулоти давомида суд раислари янги таҳрирдаги Ўзбекистон Республикаси Конституцияси мазмун-моҳияти, суд–ҳуқуқ соҳасида қонунчиликка киритилган ўзгартиш ва қўшимчалар, уларнинг мазмун моҳияти ва аҳамияти, одам савдоси жинояти, болалаларни мажбурий меҳнатга жалб қилиниши ҳуқуқбузарликлари, болаларга ҳимоя ордери бериш тартиби тўғрисида савол-жавоб шаклида фикр алмашилди.

Учрашув давомида судьялар давлат томонидан педагог ходимлар фаолияти кафолатланганлигини, Маъмурий жавобгарлик тўғрисидаги кодекси 1975 моддасига мувофиқ, таълим ташкилоти педагог ходимининг касбий фаолиятига таълим олувчиларнинг билимини тўғри ва холис баҳолашига таъсир кўрсатиш билан ифодаланган тарзда қонунга хилоф равишда аралашиш ёки таълим ташкилоти педагог ходимининг хизмат вазифаларини бажаришига тўсқинлик қилиш фуқароларга базавий ҳисоблаш миқдорининг етти бараваридан ўн бараваригача, мансабдор шахсларга эса ўн бараваридан ўн беш бараваригача миқдорда жарима солишга сабаб бўлиши тўғрисида маълум қилинди.

Шунингдек, Ўзбекистон Республикасининг “Болаларни зўравонликнинг барча шаклларидан ҳимоя қилиш тўғрисида”ги ЎРҚ-996-сонли қонунига кўра, қуйидагилар: жисмоний зўравонлик, жинсий зўравонлик, руҳий зўравонлик, ғамхўрлик кўрсатмаслик, эксплуататсия қилиш ва таъқиб этиш (буллинг) болаларга нисбатан зўравонликнинг шаклларидир.

Болаларга нисбатан зўравонликнинг барча шакллари тақиқланади ҳамда қонун билан таъқиб қилинади.

Давлат болаларни зўравонликнинг барча шаклларидан ҳимоя қилиш учун тегишли ҳуқуқий, маъмурий, ижтимоий, иқтисодий ва бошқа чораларни кўради.

Қонунга мувофиқ: зўравонликдан жабрланувчиларнинг ҳуқуқлари белгиланди, хусусан, болаларни зўравонликнинг барча шаклларидан ҳимоя қилиш бўйича якка тартибдаги чора-тадбирлар белгиланиб, жумладан, зўравонликдан жабрланганларга ҳимоя ордери бериш тартиби йўлга қўйилди.

Шунга кўра, ҳимоя ордери ички ишлар органлари томонидан берилади ва зўравонликдан жабрланувчига ёки унинг қонуний вакилига ваколатли давлат органи иштирокида топширилади.

Ҳимоя ордери 30 кун муддатгача берилади ва расмийлаштирилган пайтдан эътиборан кучга киради.

Президент ҳузуридаги Ижтимоий ҳимоя миллий агентлиги болаларни зўравонликнинг барча шаклларидан ҳимоя қилиш соҳасидаги ваколатли давлат органи ҳисобланади.

Агентлик ёрдам кўрсатиш, маслаҳат бериш механизми ва чора-тадбирлари тўғрисида ахборот олинишини, болаларга нисбатан зўравонлик ҳолларининг олди олинишини таъминлаш мақсадида Ўзбекистоннинг бутун ҳудудида туну кун ишлайдиган ишонч телефони ишлашини таъминлайди.

Ишонч телефони орқали олинган ахборотни ошкор этишга йўл қўйилмайди.

 

                                                                                                                                                  Джумаев Бекзод,

                                                   Навбаҳор туманлараро иқтисодий суди раиси

 

Хамраев Акрам,

                                                   Навбаҳор туманлараро фуқаролик суди раиси

 

Сайдуллаев Алишер,

                                                Жиноят ишлари бўйича Навбаҳор туман суди раиси 

Навбатдаги сайёр қабул ва тарғибот тадбири тафсилотлари

Навбаҳор тумани “Бурқут” маҳалла фуқаролар йиғини биносида Навбаҳор туманлараро иқтисодий суди раиси Б.Джумаев, Навбаҳор туманлараро фуқаролик суди раиси А.Хамраев, жиноят ишлари бўйича Навбаҳор туман суди раиси А.Саъдуллаевлар томонидан сайёр қабул ва очиқ мулоқот учрашуви ўтказилди.

Ушбу сайёр қабул ва очиқ мулоқот давомида суд раислари томонидан фуқаролар ва тадбиркорлик субъектларининг мурожаатларига ҳуқуқий тушунтиришлар берилди.

Сайёр қабулда суд ҳуқуқ соҳасида қонунчиликка киритилган ўзгартиш ва қўшимчалар, уларнинг мазмун моҳияти ва аҳамияти тўғрисида фуқаролар ва тадбиркорлик субъектларига маърузалар қилинди.

Сайёр қабул давомида суд раислари янги таҳрирдаги Ўзбекистон Республикаси Конституцияси мазмун-моҳияти, суд–ҳуқуқ соҳасида қонунчиликка киритилган ўзгартиш ва қўшимчалар, уларнинг мазмун моҳияти ва аҳамияти, одам савдоси жинояти, болалаларни мажбурий меҳнатга жалб қилиниши ҳуқуқбузарликлари, болаларга ҳимоя ордери бериш тартиби тўғрисида аҳолининг ҳуқуқий хабардорлиги оширилди.

Хусусан, Навбаҳор туманлараро иқтисодий суди раиси Б.Джумаев томонидан Оʻзбекистон Республикасининг 2024-йил 15-ноябрдаги ЎРҚ-997-сонли қонуни тўғрисида фикр юритар экан, ушбу қонун билан Жиноят, Жиноят-процессуал, Маъмурий жавобгарлик тўғрисидаги, Фуқаролик-процессуал, Иқтисодий-процессуал кодексларига ўзгартиришлар киритилганлигини, жумладан, Фуқаролик-процессуал кодекси 232-боб билан тўлдирилиб, бу бобда ўзбошимчалик билан эгаллаб олинган, давлат мулкида бўлган ер участкасини қайтариш, ўзбошимчалик билан қурилган иморатни бузиб ташлаш тўғрисидаги ишларни юритишнинг ўзига хос хусусиятлари белгиланганлиги ҳақида маълумот бериб ўтилди.

Ўз навбатида, сайёр қабул давомида Ўзбекистон Республикаси Президентининг “Ўзбекистон Республикаси Президентининг тадбиркорлар билан 2023-йилдаги очиқ мулоқотида белгиланган вазифаларни амалга ошириш
чора-тадбирлари тўғрисида”ги 292-сонли қарори ҳамда “Ўзбекистон Республикасининг айрим қонун ҳужжатларига кредит мажбуриятларини бажариш тартибини такомиллаштириш ҳамда аҳолининг микромолиявий хизматлардан фойдаланиш имкониятларини кенгайтиришга қаратилган ўзгартиришлар ва қўшимчалар киритиш тўғрисида”ги Ўзбекистон Республикаси Қонунининг мазмун моҳияти юзасидан ҳам тушунтиришлар бериб ўтилди.

Шунингдек, учрашув давомида судларга даъво аризаси киритиш тартиби, илова этиладиган ҳужжатлар ҳамда давлат божи миқдори, давлат божи тўлашни кечиктириш, бўлиб-бўлиб тўлаш тартиби, қандай ҳолларда давлат божи тўламасдан судга даъво аризаси киритилиши бўйича ҳам ҳуқуқий ахборотлар берилди.

                                                                         Джумаев Бекзод,

                                                   Навбаҳор туманлараро иқтисодий суди раиси

 

Хамраев Акрам,

                                                   Навбаҳор туманлараро фуқаролик суди раиси

 

Сайдуллаев Алишер,

                                                 Жиноят ишлари бўйича Навбаҳор туман суди раиси 

Спорт – соғлик гарови

Учқудуқ туманида спортнинг мини-футбол тури бўйича тумандаги 10 дан ортиқ корхона-ташкилотларда фаолият олиб бораётган ёшлар ҳамда фахрийлар ўртасида Учқудуқ туман судлари кубоги мусобақаси Учқудуқ тумани Касб-ҳунар мактаби спорт залида Учқудуқ туман спорт мактаби ҳамда ҳамкор ташкилотлар ташаббуси билан ташкиллаштирилди,

Қизғин ва баҳсларга бой тарзда ўткан мусобоқада 1-ўринни ГТР жамоаси, 2-ўринни Туман ҳокимлиги жамоаси ва 3-ўрин тадбиркорлар жамоасига насиб этди, спорт мусобақасида яхши натижа кўрсатган иштирокчилар диплом, эсдалик совғалар ва кубог билан тақдирланди.

Бу каби спорт мусобоқаларини ташкил этилиши, ёшларни соғлом турмуш тарзига етаклаш билан бирга, келажакда соҳа вақиллари орасидан спорт усталари етишиб чиқиш имкониятини ҳам янада оширади.

 

Курбонов Акмал,

Жиноят ишлари бўйича Учқудуқ туман суди раиси

Skip to content