Тозалик бор бўлган ва обод жойда барака бўлади
Республикамизнинг барча ҳудудларида, давлат ва жамоат ташкилотларида бўлгани каби Навоий вилояти судида ҳам “Обод ва файзли маҳалла – юрт кўрки” шиори остида умумхалқ хайрия ҳашари ўтказилмоқда.
Бугун эрта тонгдан судья ва суд ходимлари озодалик ва поклик тадбирларида иштирок этиб, юртимиз ободлигига ўз ҳиссаларини қўшмоқдалар.
Умумхалқ хайрия ҳашари вилоятдаги барча судлов ҳайъатлари, туман ва шаҳар судларида уюшқоқлик билан ўтказилмоқда.
Ҳашар давомида иштирокчилар томонидан туман ва шаҳарлардаги суд бинолари ҳамда ён атрофларда тозалаш ишлари олиб борилди. Ерлар ободонлаштирилди, кўчатлар экилди, ариқ ва зовурлар тозаланди. Мавжуд дарахтларга шакл бериш, оқлаш ва уларнинг тагини юмшатиш ишлари бажарилди.
Навоий вилоят суди матбуот хизмати.