Қидирув:

АЖРИМ ЁКАСИДАГИ ЯНА БИР ОИЛА ЯРАШТИРИЛДИ

Қадриятларимизга кўра, оилани асраб-авайлаш, унинг мустаҳкамлигини таъминлаш, дарз кетган оилаларни яраштириш энг эзгу амаллардан ҳисобланади.

Бу борада мутасадди идоралар, хусусан Зарафшон шаҳар ҳокимлиги Маҳалла ва оилани қўллаб-қувватлаш бўлими билан ҳамкорликда фуқаролик ишлари бўйича Зарафшон туманлараро суди томонидан ўтказилаётган тарғибот тадбирлари ҳамда сайёр қабуларда кенг кўламли тушунтириш ва ташвиқот ишлари олиб борилиб, оилавий ажримларнинг салбий жиҳатлари ва оқибатлари оила қурган ва қурмоқчи бўлган ёшлар ва уларнинг ота-оналарига тушунтириб келинмоқда.

Албатта, бу ўзининг ижобий самарасини бериб, ажрим ёқасига келиб қолган оилаларнинг ярашишига ҳамда эр-хотин ўртасидаги мўайян тушунмовчиликларнинг бартараф этилишига олиб келмоқда.

Жумладан, ана шундай оилалардан бири бўлган Зарафшон шаҳридаги «А.Навоий» МФЙда яшовчи Р.М. 2021 йил 30 июль куни фуқаролик ишлари бўйича Зарафшон туманлараро судига даъво аризаси билан мурожаат қилиб, унда турмуш ўртоғи А.А. билан ўрталарида тузилган қонуний никоҳни бекор қилишни сўраган.

Суд томонидан мазкур мурожаатни ўрганиш жараёнида тарафларнинг биргаликдаги турмушидан бир нафар вояга етмаган фарзанди борлиги, оиладаги ўзаро келишмовчиликлар сабабли оила ажрим ёқасига келиб қолганлиги аниқланиб, мазкур ҳолатлар ҳамда оилани сақлаб қолиш имкони борлиги инобатга олинган ҳолда суднинг ажрими билан оилани яраштириш чораларини кўриш учун тегишли муҳлат берилиб, мазкур муддат мобайнида тарафларнинг ўзаро ярашиб олишлари учун суд томонидан зарур чоралар кўрилган.

Натижада, тарафлар суд томонидан ярашиш учун берилган ушбу муддатдан унумли фойдаланиб, ўрталарида мавжуд бўлган тушунмовчиликларни ўзаро бартараф этишиб, ўз оиласининг тикланишига эришдилар.

Бу эса ўз навбатида, вояга етмаган фарзанднинг ўз ота-онаси бағрида улғайиб, меҳрга зор бўлмаслигига, шунингдек эр-хотин ўртасидаги турли низоларни ҳамда улар ўртасида келиб чиқиши мумкин бўлган турли ноҳуш оқибатларнинг олдини олишга имкон яратди.

Юқорида келтирилган ҳолатлардан келиб чиқиб, мазкур хайрли ишлар келгусида ҳам фаоллик билан ҳамкорликда давом эттирилиб, бу борада мақсад қилинган оилавий ажримлар сонини камайтириш, вояга етмаган бегуноҳ фарзандларнинг тирик етим қолишини олдини олиш, аёлларни оилавий ажримдан сўнг оғир ижтимоий вазиятга тушиб қолишидан сақлаш ва бунинг натижасида оғир салбий оқибатлар келиб чиқишининг олдини олиш учун муносиб ҳисса қўшиб борилади, албатта.

Анвар Шукуров

 

Фуқаролик ишлари бўйича

Зарафшон туманлараро суди раиси

Навоийда 2021 йилда судлар томонидан 300 нафар шахсга озодликдан маҳрум қилиш жазоси тайинланган 

Навоий вилоятида 2021 йилда қасддан баданга шикаст етказиш, ҳақорат қилиш, фирибгарлик, пора бериш ҳамда ўғрилик жиноятлари ошган. Бу ҳақда вилоят судида ўтган йил якунларига бағишланган брифингда маълум қилинди.

Таъкидланишича, 2021 йилда Навоий вилоят суди жиноят ишлари бўйича судлов ҳайъати, жиноят ишлари бўйича туман, шаҳар судлари томонидан жами 1 676 нафар шахсга нисбатан 1 282 та жиноят иши кўриб чиқилган. Шундан 847 та иш бўйича ҳукм чиқарилган, 431та иш эса тугатилган. Ўтган йилда 146 нафар аёлга ҳамда 680 нафар ёшга нисбатан жиноят ишлари кўрилган. Шунингдек, ушбу даврда 18 та жиноят иши бўйича 29 нафар шахс судлар томонидан оқланган. 

2021 йилда судланган 1 154 нафар шахснинг 104 нафарига жарима, 2 нафарига муайян ҳуқуқдан маҳрум қилиш, 15 нафарига мажбурий жамоат ишлари, 391 нафарига ахлоқ тузатиш ишлари, 342 нафарига озодликни чеклаш, 300 нафарига озодликдан маҳрум қилиш жазолари тайинланган.

Жиноят ишлари бўйича судлар томонидан 2021 йилда кўрилган ишлар таҳлил қилинганида, қасддан баданга шикаст етказиш 108 тага, ҳақорат қилиш 6 тага, фирибгарлик 92 тага, пора бериш жинояти 38 тага ҳамда ўғрилик 48 тага ошганлиги маълум бўлган. Гиёҳвандлик воситалари ёки психотроп моддалар билан қонунга хилоф равишда муомала қилишдан иборат жиноятлар 26 тага, қасддан одам ўлдириш 9 тага, вояга етмаган шахсни моддий таъминлашдан бўйин товлаш 13 тага камайган.

Бундан ташқари, вилоятда 2021 йилда фуқаролик судлари томонидан 16 797 та фуқаролик ишлари кўриб тамомланган. Кўрилган ишларнинг 769 таси ёки 4,5 фоизи алоҳида тартибда юритиладиган ишлар билан боғлиқ, 3 694 таси оила низолари билан ва 10 091 таси битим билан боғлиқ ишларни ташкил этади. Вилоят иқтисодий судлари томонидан эса 3 559 та иш кўриб чиқилиб, ҳал этилган ишлар бўйича 276 млрд 130,2 млн сўм миқдордаги қарз ва етказилган моддий зарарларни даъвогарлар фойдасига ундириш ҳақида қарорлар қабул қилинган. Шундан хусусий тадбиркорлар ва кичик бизнес субъектлари фойдасига 57,8 млрд сўм ундирилган.

Навоий вилоят ҳамда туманлараро маъмурий судлари томонидан 2021 йил давомида 931 та оммавий-ҳуқуқий муносабатлардан келиб чиқадиган низолар билан боғлиқ маъмурий ишлар кўриб чиқилиб, 788 таси қаноатлантирилган ва 98 таси рад қилинган. 

Навоийда 2021 йилда 147 та ҳолатда мансабдор шахсларнинг қарорлари ҳақиқий эмас, деб топилган

Навоий вилояти жиноят ишлари бўйича судлар томонидан 2021 йилда 1676 нафар шахсга нисбатан 1282 та жиноят иши кўриб тамомланган.

Бу ўтган йилнинг мос даврига нисбатан 413 тага, шахслар сони эса 609 тага кўпайган.  
Бу ҳақда Навоий вилоят судида судлар томонидан 2021 йилда одил судловни амалга ошириш борасида амалга оширилган ишлар таҳлилига бағишланган матбуот анжуманида маълум қилинди. Таъкидланганидек, тамомланган ишлардан 1198 нафар шахсга нисбатан 847 та жиноят иши бўйича ҳукм чиқарилган.  Ҳукм чиқарилган ишлар сони 255 та ёки қарийиб 44 фоизга кўпайган. 

– Якунланган йилда 473 нафар шахсга нисбатан 431 та иш тугатилган бўлиб, шундан 451 нафар шахсга нисбатан 416  та жиноят иши ЖК тегишли моддасига асосан тарафларнинг ярашганлиги муносабати билан ёпилган, – дейди вилоят суди судяси Азиз Сафаров. – Ушбу даврда аёлларга нисбатан 126 та, ёшларга нисбатан 562 та, 48 нафар 60 ёшдан ошган фуқароларга нисбатан жиноят ишлари кўрилган. 39 та жиноят иши бўйича моддалар айбловдан тўлиқ чиқарилган. 18 таси бўйича модда бандлари чиқарилган бўлса, 28 таси бўйича бошқа моддаларга, 72 таси бўйича модданинг бошқа қисмига малакаланган. Фуқаролик судлари томонидан эса 2021 йилда жами 16 минг 797 та фуқаролик ишлар кўриб тамомланган. Шундан 7412 таси ёки 44 фоизи сайёр суд мажлисларида ҳал этилган. 

– Кўрилган ишларнинг 769 таси алоҳида тартибда юритиладиган ишлар билан, 3694 таси оила низолари, 10091 таси турли битимлар билан боғлиқ ишларни ташкил этиб, судлар томонидан кўрилган ишлар сони ўтган йилнинг шу даврига нисбатан 8828 тага кўпайган, – дейди фуқаролик ишлари бўйича судлов ҳайъати раиси Ихтиёр Қосимов. – Йил давомида ихтиёрий тўланган давлат божи миқдори 3,3 миллиард сўмни ташкил этган бўлса, суд қарорларига асосан 11 миллиард сўм миқдорида давлат божи ундирилган.  
Иқтисодий судлар томонидан ҳисобот даврида одил судловни амалга ошириш юзасидан жами 3559 та иш кўриб чиқилган бўлиб, уларнинг 1819 таси ёки 51,1 фоизи сайёр суд мажлисларида ҳал этилган.

– Кўрилган ишларнинг 211 та суд мажлиси видеоконференц алоқа режимида ўтказилган, – дейди иқтисодий ишлар бўйича судлов ҳайъати раиси Темур Абдураманов. – Бунда 397 нафар вакиллар ўз ҳудудларида иштирок этиб, уларнинг қарийиб 89 миллион сўм маблағлари тежалган. Кўрилган ишларнинг  2347 таси фуқаролик ҳуқуқий, 932 таси маъмурий ҳуқуқий, 12 таси банкротлик, 9 таси корпоратив муносабатларга оид ишлардир.  

2021 йил мобайнида Навоий вилоят ҳамда туманлараро маъмурий судлари томонидан 931 та оммавий-ҳуқуқий муносабатлардан келиб чиқадиган низолар билан боғлиқ маъмурий ишлар кўриб тамомланган бўлиб, шундан 788 таси қаноатлантирилган, 98 таси рад қилинган, 27 таси иш юритувдан тугатилган ҳамда 18 та ариза кўрмасдан қолдирилган. 

– Ўтган йил давомида мансабдор шахсларнинг қарорларини ҳақиқий эмас деб топиш билан боғлиқ 147 та иш кўриб тамомланган бўлиб, уларнинг 108 таси ҳокимликларга тегишли қарорлардир, – дейди вилоят Маъмурий суди раиси Акмал Муродов. – Шунингдек, ишларни кўриш жараёнида аниқланган қонунбузилиш ҳолатлари юзасидан айбдор мансабдор шахсларга нисбатан 211 маротаба хусусий ажримлар чиқарилган. Уларнинг 195 таси бўйича жавоблари олинган, қолганлари бўйича қонунда белгиланган муддатлари мавжуд. 

Матбуот анжуманида ОАВ вакиллари ва журналистлар ўзларини қизиқтирган суд-ҳуқуқ соҳаси билан боғлиқ саволларига батафсил жавоб олди. 


Навоий вилоят суди ва МИБ ўртасида ҳамкорлик масалаларига бағишланган семинар ўтказилди

Мамлакатимизда сўнгги йилларда суд ҳужжатлари ва бошқа органлар ҳужжатларини ижро этиш тизимини такомиллаштириш бўйича кенг кўламли чора – тадбирлар амалга оширилди.

Суд қарорлари ижросини таъминлашнинг бугунги кун ҳолати, мавжуд муаммолар ва уларни бартараф этишда истиқболдаги устувор вазифа ҳисобланади.

Таҳлилларга кўра, мажбурий ижро Бюроси органлари иш юритувига қабул қилинган 89 мингта ёки 76 фоиз ҳужжатлар судларнинг ҳисобига тўғри келмоқда.

Шу боис, Навоий вилоят судида фуқаролик ишлари бўйича судлов ҳайъати ва мажбурий ижро бюроси ҳамкорлигида, суд ҳужжатларини ижро этиш самарадорлигини ошириш мақсадида семинар ташкил этилди.

Семинардан асосий мақсад, бюро органлари билан судлар ўртасида ижро ҳужжатларини ижрога қаратишда йўл қўйиладиган муаммо ва уларнинг ечими борасида ҳамкорликда амалга ошириладиган зарур чора-тадбирларни белгилаш;

– суд қарорлари бўйича ижро ҳужжатларини тузишда Ўзбекистон Республикасининг ФПК ва Ўзбекистон Республикасининг “Суд ҳужжатлари ва бошқа органлар ҳужжатларини ижро этиш тўғрисида”ги Қонунинг 8-моддаси талабларига қатъий амал қилиш ва суд қарорларини ўз вақтида ижрога қаратиш;

– суд қарорлари юзасидан ижро ҳужжатларини Ўзбекистон Республикасининг “Суд ҳужжатлари ва бошқа органлар ҳужжатларини ижро этиш тўғрисида”ги Қонунинг 8,24-моддасига асосан асоссиз қайтариш ҳолатларини олдини олиш;

–  суд қарорлари ижросини ўз вақтида таъминлаш орқали фуқаролар ва юридик шахсларнинг ҳуқуқ ва қонуний манфаатларини самарали ҳимоя қилиш ва бузилган ҳуқуқларини амалда тиклашдан иборат.

Бугунги семинар машғулоти танқидий руҳда ўтган бўлса-да, судлар томонидан ижро ҳужжатларини қонун талаблари асосида расмийлаштириш ва уни ўз вақтида ижрога қаратиш ишларини янада яхшилашга, мажбурий ижро бюроларига ижро ишларини қонунда назарда тутилмаган асосларсиз қайтариш амалиётига чек қўйишга, шунингдек, семинар машғулоти иштирокичилари ўртасида ўзаро манфаатли алоқаларни яхшилашга хизмат қилади.

Таъкидлаш жоизки, суд ҳужжатларининг ўз вақтида ижро этилиши аҳолининг, қолаверса тадбиркорларнинг одил судловга ва давлат идораларига бўлган ишончини янада мустаҳкамлашга хизмат қилади.

Семинар сўнггида, суд ҳужжатларини ижро этиш самарадорлигини ошириш ҳамда келгусидаги фаолиятни яхшилаш мақсадида «E-XSUD” ва «MIB Portal” дастурлари орқали электрон юборилаётган ҳужжатлардаги муаммоларни сарсонгарликка йўл қўймасдан биргаликда бартараф этиш шунингдек, дастур орқали киритилаётган хар бир маълумотнинг тўғрилиги ва ижро ҳужжатидаги маълумотларнинг мослигига алоҳида эътибор қаратиш юзасидан тегишли чора-тадбирлар белгилаб олинди.

 

Умид Раупов

Навоий вилоят суди судьяси

Навоийда пора бериш жинояти бўйича судланганлар сони ошди. Нега?

2021 йил давомида Навоий вилоят суди жиноят ишлари бўйича судлов ҳайъати, жиноят ишлари бўйича туман, шаҳар судлари томонидан жами 1 минг 676 нафар шахсга нисбатан 1282 та жиноят иши кўрилди. Бу 2020 йилга нисбатан 47,5 фоиз, шахслар бўйича эса 57 фоизга кўп демакдир. Ҳисобот даврида ҳукм чиқарилган ишлар 43,9 фоизга ошган. Улар орасида 146 нафар аёл, 680 нафар ёшлар ва 31 нафар вояга етмаганлар борлиги таассуфли.

Ушбу рақамлар Навоий вилоят судининг 2021 йил фаолиятига бағишланган матбуот анжуманида тақдим этилди. Беш йил аввал бундай кўрсаткичларни ошкор қилиш нари турсин, қайд этишнинг ўзи судларга анча-мунча ташвиш келтириши яширилмади.

Жамият очиқлиги, жиноятга жазо муқаррарлиги самараси бу. Табиийки, ушбу сиёсат ва ислоҳотлар бошқа бир қатор кўрсаткичларда ўзининг ижобий ифодасини топмоқда. Хусусан, 2021 йил давомида жами 18 та жиноят иши бўйича 29 нафар шахс судлар томонидан оқланиб, шундан 2 таси жиноят иши бўйича биринчи инстанция судлари, 16 таси жиноят иши бўйича вилоят судининг апелляция инстанцияси ҳиссасига тўғри келади. Шунингдек, вилоят миқёсида судлар томонидан кўрилган ишлардан гиёҳвандлик воситалари ёки психотроп моддалар билан қонунга хилоф равишда муомала қилишдан иборат жиноятлар 26 та, қасддан одам ўлдириш жинояти 9 та, вояга етмаган шахсни моддий таъминлашдан бўйин товлаш жинояти эса 13 тага камайган.

— Ҳисобот даврида пора бериш жиноятининг 28 тадан 66 тага, яъни 38 тага ошган, — дейди Навоий вилоят судининг жамоатчилик билан алоқалар хизмати раҳбари Азиза Рўзиева. — Ушбу рақамларни фуқароларнинг ҳуқуқий саводхонлиги, коррупцияга нисбатан муросасизлиги ошаётганлиги нуқтаи назаридан ижобий қабул қилиш ҳам мумкин. Бироқ мамлакатимиз раҳбари таъкидлаганидек, ҳар бир жиноят содир этилишининг келиб чиқиш сабаблари чуқур таҳлил этилиб, унинг олдини олиш жамиятни иллатлардан тозалашда муҳим омиллардан биридир.

Шу боис вилоятда ҳар бир жиноят тафсилотларини профилактика инспекторлари, маҳалла ва жамоатчилик иштирокида чуқур таҳлил қилиш мақсадида 2021 йил давомида 1282 та жиноят ишидан 686 таси ёки 53.5фоизи сайёр суд мажлисларида кўриб чиқилди.

Матбуот анжуманида фуқаролик ишлари, иқтисодий ишлар бўйича ҳамда вилоят бўйича ва туманлараро маъмурий судларнинг 2021 йил фаолияти бўйича маълумотлар тақдим этилиб, журналистлар ўзларини қизиқтирган саволларга батафсил жавоб олди.

“Коррупция ҳолатига йўл қўймаслик” юзасидан семинар ташкил этилди

“Коррупция ҳолатига йўл қўймаслик” ва Ўзбекистон Республикаси Президентининг 2019 йил 1 февралдаги «Банкротлик таомилларини янада соддалаштириш ва суд бошқарувчилари фаолиятини тубдан такомиллаштириш чора-тадбирлари тўғрисида”ги ПҚ-4146 сонли қарорига киритилган сўнги ўзгартиришлар ҳамда «Банкротлик” ишлари бўйича тугатиш (суд) бошқарувчилари томонидан тугатишга оид ишларни олиб боришда юзага келаётган муаммолар юзасидан  семинар ташкил этилди.

Семинарда прокуратура, солиқ бошқармаси масъул ходимлари, банк юристлари, Давлат активларини бошқариш агентлиги Навоий вилоят бошқармаси масъул ходимлари- тугатиш (суд бошқарувчилари) иштирок этди.

Бугунги семинарни ташкил этишдан мақсад асосан Ўзбекистон Республикаси Президентининг 2019 йил 1 февралдаги «Банкротлик таомилларини янада соддалаштириш ва суд бошқарувчилари фаолиятини тубдан такомиллаштириш чора-тадбирлари тўғрисида”ги ПҚ-4146 сонли қарорига киритилган сўнги ўзгартиришлар ҳамда «Банкротлик” ишлари буйича тугатиш (суд) бошқарувчилари томонидан тугатишга оид ишларни олиб боришда юзага келаётган муаммоларни ҳал этишга бағишланди.

Даставвал давлатимиз тараққиёти кушандаси бўлган «Коррупция ҳолатларига йўл қўймаслик” масаласига тўхталиб ўтилди.

Коррупцияга қарши курашишга фақат давлатнинг ваколатли органларини курашиши етарли эмас. Бу борада кенг жамоатчиликни жалб қилиш, фуқароларимизни хукуқий онги ва маданиятини ошириш зарурдирллиги таъкидланди.

Шу боис, давлат раҳбари Ш.Мирзиёев томонидан ўзининг президентлик лавозимига киришганлигининг дастлабки кунлариданоқ биринчи қабул қилган қонуни бу 2017 йил 3 январдаги «Коррупцияга қарши курашиш тўғрисида”ги қонуни бўлганлиги бежиз эмас.

Шунингдек, Ўзбекистан Республикаси Президентининг «Банкротлик таомилларини янада соддалаштириш ва суд бошқарувчилари фаолиятини тубдан такомиллаштириш чора-тадбирлари тўғрисида”ги ПҚ-4146 сонли қарори юзасидан Кармана туманлараро иқтисодий суди раиси А.Хамидов,  қуйидагиларни:

–       2019 йил 1 майдан давлат солиқ хизмати органларининг аризалари бўйича қўзғатилган банкротликнинг соддалаштирилган таомилларини ўтказишди суд бошқарувчиларини давлат солиқ хизмати органлари ходимлари орасидан тайинлаш амалиёти бекор қилингани,

–       давлат солиқ хизмати органларининг аризалари бўйича қўзғатилган банкротликнинг соддалаштирилган таомилларини ўтказишда тўртинчи тоифали суд бошқарувчиси аттестатига эга бўлган ва Ўзбекистон суд бошқарувчилари ассоциацияси (кейинги уринларда — Ассоциация) аъзолари ҳисобланган шахслар суд бошқарувчиси этиб тайинланиши белгиланганлигини таъкидлади.

Ушбу қарорга Ўзбекистон Республикаси Президентининг 2021 йил

30 декабрдаги ПҚ-73-сонли қарори билан қуйидаги ўзгартириш ва қўшимчалар киритилган, яъни банкротликни соддалаштирилган тартиби қўлланилганда, агар қарздор билан бошқача келишув белгиланган бўлмаса, суд бошқарувчисига ҳақ тўлаш ҳаражатларининг ўрни қарздорга нисбатан тўловга қобилиятсизлик ҳақида иш қўзгатиш тўғрисида ариза берган солиқ органи томонидан Давлат бюджета маблағлари ҳисобидан қопланиши, бунда, суд бошқарувчисига ҳақ тўлаш учун суднинг депозит ҳисобварағига базавий ҳисоблаш миқдорининг уч баравари миқдорида олдиндан тулов амалга оширилиши белгиланганлиги семинар иштирокчилар эътиборига етказилди.

Бундан ташқари, «Банкротлик” ишлари бўйича тугатиш (суд] бошқарувчилари томонидан тугатишга оид ишларни олиб боришда юзага келаётган муаммолар юзасидан тугатиш бошқарувчиларининг фикрларини тингланди, ушбу муаммоларни ечими юзасидан фикр алмашилди.

Акбар Ҳамидов

Кармана туманлараро иқтисодий 

суди раиси

«ADOLAT» ахборот тизимлари комплексининг мазмун-моҳияти юзасидан семинар ташкил этилди

Кармана туманлараро иқтисодий суди раиси А.Хамидов томонидан вилоят Савдо-саноат палатасида Ўзбекистон Республикаси Олий суди Раёсатининг 2021 йил 9 декбрдаги “Республика судлари фаолиятига “ADOLAT” ахборот тизимлари комплексини жорий этиш ҳақида”ги қарори тарғиботига бағишланган семинар ташкил этилди.

Вилоят прокуратураси, Савдо саноат палатаси ходимлари, НКМК ва тижорат банклари юристлари, адвокатлар ҳамда  адлия органлари вакиллари иштирок этган семинарда “ADOLAT” ахборот тизимлари комплексининг мазмун-моҳияти ҳақида батафсил маълумот берилди. Жумладан, эндиликда давлат хокимияти органлари, хўжалик бошқаруви органлари, адвокатлар томонидан судларга даъво аризаси, ариза ва шикоятлар фақат электрон шаклда такдим этилиши борасида сўз юритилди. Аҳамиятлиси, мазкур тизимда  манфаатдор шахслар даъво аризаси, ариза ва шикоятларни кўриб чиқиш жараёнини онлайн тарзда кузатиб бориши мумкин. Шунингдек, суд мажлиси иштирокчилари томонидан маълумотлар ва ҳужжатларни электрон шаклда юбориш, суд қарорларини иш бўйича тарафларга онлайн тарзда тақдим этиш имконияти ҳам мавжудлиги таъкидланди.

“ADOLAT” ахборот тизимлари комплекси ва судлар қарорларини иш бўйича тарафларга онлайн тарзда, уларнинг илтимосномаси бўйича эса қоғоз шаклида тақдим этиш амалиёти судлар фаолиятига босқичма-босқич жорий этилиши иштирокчилар эътиборига етказилди.

Бундан ташқари, семинарда ушбу янгилик қайси суд фаолиятига қайси муддатда жорий этилиши хусусида ҳам тушунча берилди.

Тингловчилар томонидан мазкур тизим юзасидан берилган саволларга туман суди раиси томонидан батафсил жавоб қайтарилди.

 

Азиза Рўзиева

Навоий вилоят суди жамоатчилик ва ОАВлар билан алоқалар бўйича бош консультанти

Навоий вилоятида ер ҳисоби ва давлат кадастрларини шакллантиришда юзага келадиган муаммолар ўрганилди

Ўзбекистон Республикаси Президенти Шавкат Мирзиёев томонидан 2021 йилнинг 21 декабрь куни ер ҳисоби ва давлат кадастрларини шакллантириш, соҳага рақамли технологияларни жорий этиш масалаларига бағишлаб ўтказилган йиғилишда белгиланган вазифалар ижросини сифатли ва ўз вақтида таъминлаш мақсадида Ўзбекистон Республикаси Олий суди раисининг 2021 йил 27 декабрдаги 40-сонли Фармойишига асосан судья ва суд аппарати ходимлари ҳамда масъул вазирлик ва идоралар томонидан бириктирилган ходимлардан иборат таркибда ишчи гуруҳи тузилди.

Ишчи гуруҳи зиммасига масъул вазирлик ва идоралар билан биргаликда жойларда ер ҳисоби ва давлат кадастрларини шакллантиришдаги мавжуд муаммоларни аниқлаб, уларни батафсил ўрганиш, натижаларини умумлаштириш, шунингдек муаамоларнинг қонуний ечимларини топиш бўйича таклифлар ишлаб чиқиш вазифаси юклатилган.

Белгиланган вазифалар ижросидан келиб чиқиб, жорий йилнинг

7 январь куни Навоий вилояти учун масъул бўлган ишчи гуруҳ аъзоси Олий суд судьяси, О.Баракаевнинг иштирокидаги ишчи гуруҳ аъзолари вилоятнинг барча шаҳар, туманларида бўлиб, ўзбошимчалик билан эгалланган ерларни кадастр рўйхатидан ўтказиш бўйича аҳоли билан мулоқот қилишди, уйга эгалик ҳуқуқи мавжуд бўлмаган фуқароларнинг муаммолари батафсил ўрганилди.

Жойларда ер ҳисоби ва давлат кадастрларини шакллантиришдаги мавжуд аниқланган муаммоларни ўрганиш ва уларнинг қонуний ечимларини топиш бўйича таклифлар ишлаб чиқиш мақсадида ишчи гуруҳ аъзолари туман, шаҳар ҳокимликлари биносида прокурата, адлия архитектура ва кадастр вакиллари иштирокида йиғилиш ўтказиб, уй-жойларини тегишли тартибда кадастр рўйхатидан ўтказиш юзасидан чора-тадбирлар белгилаб олинди.

Азиза Рўзиева 

Навоий вилоят суди жамоатчилик ва ОАВлар бўйича алоқалар бўлими бош консультанти

Судлар фаолиятидаги сўнгги ислоҳотлар

Мамлакатимизда сўнгги йилларда суд-ҳуқуқ тизимини янада такомиллаштириш, инсон ҳуқуқларини ҳимоя қилиш даражасини янги босқичга олиб чиқиш борасида бир қатор ислоҳотлар олиб борилмоқда.

Ана шундай ислоҳотлардан бир судлар фаолиятига замонавий ахборот технологияларини жорий этиш бўйича амалга оширилаётган тадбирлар бўлиб, булар фуқароларга ўз ҳуқуқ ва манфаатларини ҳимоя қилиш учун судларга мурожаат қилишни эркинлаштириш, судлар фаолиятида очиқлик ва шаффофликни таъминлаш имконини оширади. “Ягона дарча” тизими деб ном олган ушбу замонавий ахборот тизими хусусида Учқудуқ туман судлари раислари ташаббуси билан Учқудуқ туман мудофаа ишлари бўлимида ташкил этилган суд-ҳуқуқ соҳасидаги ислоҳотларга бағишланган тадбирда батафсил маълумот бериб ўтилди.

Тадбирда туман иқтисодий суди раиси Х.Турсунов, фуқаролик ишлари бўйича туман суди раиси Б.Шерматов ва жиноят ишлари бўйича туман суди раиси А.Қурбоновлар ҳамда туман адлия бўлими бошлиғи М.Умрзаков иштирок этиб, ушбу ахборот тизимининг қулайлик ва афзаллик томонлари, 2022 йил январь ойидан бошлаб судлар фаолиятига татбиқ этилиши хусусида тушунтиришлар беришди.

Гавҳар Юсупова

Учқудуқ туман иқтисодий суди

архивариуси

Сайёр қабул

Сайёр қабулда суд раислари томонидан 21 нафар фуқаро мурожаатлари қабул қилинди, мурожаатларнинг аксарияти мол-мулк низоси, суд томонидан тайинланган жазоларни камайтириш, имтиёзли пенсияга чиқиш, қарздорликни ундириш, никоҳдан ажратиш ва алимент ундириш юзасидан қилинган мурожаатларни ташкил этади.

Мазкур мурожаатларнинг 10 таси қаноатлантирилган бўлса, 11 таси юзасидан ҳуқуқий маслаҳатлар берилди.

          Бундан ташқари жазоларини виждонан ўтаганлиги, айни вақтда тузалиш йўлига ўтиб, меҳнатга ҳалол муносабатда бўлганлигини инобатга олиб, суд томонидан тайинланган жазони муддатидан илгари шартли озод қилиш юзасидан мурожаат қилган 5 нафар фуқаронинг илтимосномаси қаноатлантирилди ҳамда уларга нисбатан инсонпарварлик тамойили қўлланилиб, жазодан муддатидан илгари шартли озод қилинди.

          Бу ҳам судлар томонидан фуқароларга жамиятда ўз ўринларини топиши ва уларни эзгу мақсадлар сари олға интилишлари, келгусида бу каби қинғир ишларга қўл урмаслиги учун яна бир бор берилаётган имкониятларидан бири ҳисобланади.     

Қабулдан сўнг, суд раислари томонидан  тумандаги дорихона сотувчилари билан улар фаолият юритаётган дорихоналарда «Ноқонуний дорилар савдоси Психотроп моддалар ва кучли таъсир қилувчи дориларни сотиш қонунга хилоф эканлиги, бу борада жавобгарлик масалалари юзасидан соҳа ходимларига ҳуқуқий тушунтиришлар берди.

Сўнгра, судлар фаолиятида замонавий технологияларни кенг жорий этиш бўйича амалга оширилган ислоҳотлар тадбирлар фуқаролар ва тадбиркорлик субъектларига ўз ҳуқуқлари ва манфаатларини ҳимоя қилиш учун судга мурожаат қилишни эркинлаштириш, умуман одил судловга эришишни ошириш ҳамда судлар фаолиятида очиқлик ва шаффофликни таъминлаш имконини берганлиги таъкидланди.

Учрашувда эндиликда судлар фаолиятига “ягона дарча” тартиби жорий этилиши билан боғлиқ ташаббус илгари сурилганлиги борасида сўз юритилди. “Ягона дарча” тартиби 2022 йил январь ойидан бошлаб тадбиқ этилиши режалаштирилаётганлиги, унинг қулайлиги ва афзаллиги қабул қилинган аризалар судга таалуқлилиги бўйича йўналтирилиши яъни, тегишлилиги юзасидан фуқаролик, иқтисодий, жиноий ёки маъмурий судга юбориш чораси кўрилиши борасида тушунтириш берилди.

Skip to content