Қидирув:

Бўлажак кадрларни амалий кўникмаларга тайёрлаш мақсадида «Судья ва ёшлар» ушрашуви ташкил этилди

Жамиятимиз ҳаётида ёшларнинг ҳуқуқий онги ва маданиятини юксалтириш фуқаролик жамиятига асосланган демократик тамойилларидан бири бўлиб, профессионал таълим тизимини ташкил этишдан ҳам кўзланган асосий мақсад, ўқувчиларнинг назарий билимлари асосида ҳуқуқий кўникма ва малакаларини шакллантиришдан иборат.

Шу аснода ёшларнинг ҳуқуқий билим ва маданиятини янада ошириш, уларда қонунга ҳурматда бўлиш муносабатини шакллантириш, шунингдек ёшлар ўртасида ҳуқуқбузарлик ва жиноятчиликнинг олдини олиш мақсадида Навоий вилоят маъмурий судининг судьялари томонидан Навоий вилояти юридик техникумида “Судья ва ёшлар” учрашуви ўтказилди.

Савол-жавобларга бой тарзда ўтган учрашувда Ўзбекистонда суд ҳокимиятининг чинакам мустақиллигини, жиноятга жазо муқаррарлиги, фуқаролар ҳуқуқ ва еркинликларининг ишончли ҳимоясини таъминлаш ҳамда одил судловга еришиш даражасини ошириш, суд-ҳуқуқ тизимини ислоҳ қилиш соҳасида давлат сиёсатининг асосий устувор йўналишлари, суд тизимига ишга кириш тартиби ҳақида сўз юритилди.

Учрашувда суд-ҳуқуқ соҳасида олиб борилаётган ислоҳотлар, соҳада фуқароларга яратилаётган имкониятлар, ёшлар томонидан содир этилаётган жиноятлар ва уларнинг олдини олиш бўйича вилоятда амалга оширилаётган чора-тадбирлар ҳақида алоҳида тўхталиб ўтилди.

Учрашув очиқ мулоқот тарзида давом этиб, якунида талабаларга суд-ҳуқуқ соҳасида ўзларини қизиқтираётган саволларига мутасаддилар томонидан батафсил жавоб берилди.

 

Улуғбек Исмаилов,

Навоий вилояти маъмурий судининг судьяси.

ЯНГИ ҚОНУНЛАР ТАРҒИБОТ ҚИЛИНДИ

Нурота туман Фавқулодда вазиятлар бўлимида жиноят ишлари бўйича Нурота туман суди томонидан очиқ мулоқот ва ҳуқуқий тарғибот тадбири амалга оширилди.

Тадбирда суд қарорларини қайта кўришда вилоят судлари ва уларга тенглаштирилган судларнинг имкониятларидан самарали фойдаланиш билан бирга уларнинг масъулиятини ошириш, суд қарорларидан норози бўлган тарафнинг суд қарори устидан шикоят қилиш ҳуқуқидан фойдаланиш имкониятларини кенгайтириш мақсадида Ўзбекистон Республикасининг Жиноят, Фуқаролик ҳамда Иқтисодий процессуал кодексларига, Маъмурий жавобгарлик тўғрисидаги ҳамда Маъмурий суд ишларини юритиш тўғрисидаги кодексларга ўзгартириш ва қўшимчалар киритилганлигини, “Суд қарорларини қонунийлиги ва асослилигини текшириш тартиби такомиллаштирилиши муносабати билан Ўзбекистон Республикаси Иқтисодий процессуал кодексига ўзгартириш ва қўшимчалар киритиш тўғрисида”ги 2023 йил 25 декабрда қабул қилинган ва 2024 йилнинг 1 январь кунидан амалга киритилган Ўзбекистон Республикаси қонуни билан суд қарорларини қайта кўриш соҳасида муҳим ўзгартиришлар амалга оширилганлигини таъкидлаб ўтилди.

Эндиликда биринчи инстанция судида кўрилган ишлар вилоят ва унга тенглаштирилган судларда апелляция ёки кассация тартибида, вилоят судлари ва уларга тенглаштирилган судлар томонидан апелляция ёки кассация тартибида кўрилган ишлар мазкур судларда тафтиш тартибида, вилоят судлари ва уларга тенглаштирилган судлар томонидан тафтиш тартибида кўрилган ишлар Ўзбекистон Республикаси Олий судининг судлов ҳайъатларида тафтиш тартибида қайта кўрилишини, алоҳида ҳолларда Ўзбекистон Республикаси Олий судининг судлов ҳайъатларии томонидан кўрилган ишлар Ўзбекистон Республикаси Олий судининг Раёсатида тафтиш тартибида қайта кўрилада.

Бундан ташқари эндиликда ҳукм устидан шикоят ва протест бериш муддати 10 кун этиб белгиланганлиги тўғрисида йиғилганларга тушунтиришлар берилди.

Тадбир очиқ мулоқот ва савол-жавоб тарзида давом эттирилиб, фуқароларни қийнаб келаётган мурожаат ва муаммолари юзасидан уларга ҳуқуқий тушунтиришлар берилди.

 

Фурқат Рахманов,

Жиноят ишлари ўйича Нурота туман суди раиси.

Коррупция ва одам савдосини олдини олишга қаратилган тадбир ўтказилди

Давлат раҳбари томонидан барча тизимда коррупция ҳолатларини келтириб чиқарувчи сабаб ва шарт-шароитларни чуқур ўрганиш ва таҳлил қилиш, коррупцияга қарши курашиш ва унинг олдини олиш тизимини самарали йўлга қўйиш талаб этилмоқда.

Ўзбекистон Республикасининг 2017 йил 3 январдаги “Коррупцияга қарши курашиш тўғрсида”ги қонунига асосан, қонунийлик, фуқаролар ҳуқуқлари, эркинликлари ва қонуний манфаатларининг устуворлиги, очиқлик ва шаффофлик, тизимлилик, давлат ва фуқаролик жамиятининг ҳамкорлиги, коррупциянинг олдини олишга доир чора-тадбирлар устуворлиги ҳамда жавобгарликнинг муқаррарлиги, коррупцияга қарши курашишнинг асосий принциплари ҳисобланади.

Судлар томонидан, коррупция, одам савдоси, фирибгарлик ва бошқа жиноятларни олдини олишга қаратилган учрашув  ва тадбирлар ўтказиб келинмоқда.

Мана шундай учрашув 2024 йил 1 февраль куни Навбаҳор туман “Янгиобод” маҳалласида, жиноят ишлари бўйича Навбаҳор туман суди, Навбаҳор туманлараро иқтисодий суди ва фуқаролик ишлари бўйича Навбаҳор туманлараро судларининг ташаббуси билан ўтказилди.

Туман судларининг раислари томонидан ўтказилган тадбирда, коррупция ва одам савдосига қарши кураш тўғрисидаги қонунчилик ҳақида сўз юритилиб, иштирокчиларга, коррупция шахснинг ўз мансаб ёки хизмат мавқеидан шахсий манфаатларини ёхуд ўзга шахсларнинг манфаатларини кўзлаб моддий ёки номоддий наф олиш мақсадида қонунга хилоф равишда фойдаланиши, худди шунингдек бундай нафни қонунга хилоф равишда тақдим этиши оқибатида келиб чиқиши, қонунда пора олиш, бериш ва пора олиш-беришда воситачилик қилганлик учун Жиноят кодексининг 210, 211 ва 212-моддаларида жиноий жавобгарлик, шунингдек, одам савдоси учун Жиноят кодексининг 135-моддасида жиноий жавобгарлик белгиланганини, мазкур жиноятни содир этганларга нисбатан содир этилган қилмишнинг тавсифланишига қараб озодликдан маҳрум қилиш жазоси тайинланиши мумкинлиги ҳамда коррупция ва одам савдосига оид бошқа маълумотлар ҳақида фуқароларга тушунтиришлар бериб ўтилди.

 

Алишер Сайдуллаев,

Жиноят ишлари бўйича Навбаҳор туман судининг раиси.

Навоий вилоят суди раҳбариятининг навбатдаги сайёр қабули Конимех туманида ташкил элидли

Навоий вилоят суди ҳамда Навоий вилоят маъмурий суди томонидан вилоят Халқ қабулхонаси билан ҳамкорликда тасдиқланган 2024 йил биринчи ярим йилигига мўлжалланнган “Фуқаролар ва тадбиркорлик субъектлари муаммолари билан ишлаш, ечимини кутаётган масалаларни “маҳаллабай” ўрганган ҳолда жойида ва тезкор ҳал этиш бўйича Навоий вилоят судлари раислари, ўринбосарлари ва бошқа идора раҳбарларининг 2024 йилнинг биринчи ярим йиллиги давомида Навоий вилояти туман ва шаҳарларида ўтказиладиган сайёр қабуллар режаси”ги асосан Конимех туманда сайёр қабул ўтказилди.

Мазкур қабул давомида жами 18 нафар фуқаро қабул қилиниб, шундан 5 нафар фуқароларнинг мурожаатлари ижобий ҳал этилган бўлса, 13 нафар фуқароларга тегишли тартибда ҳуқуқий тушунтиришлар берилди.

Шунингдек, сайёр қабул давомида ИИБнинг тақдимномасига асосан Пробация гуруҳида ҳисобда туриб жазо ўтаб келаётган 5 нафар маҳкумлар ўталмаган жазодан Ўзбекистон Республикаси Жиноят кодексининг 73-моддасига асосан муддатидан илгари шартли озод қилинган бўлса, 2 нафар фуқаронинг юридик фактни белгилашга оид, 3 нафар фуқаронинг алимент ундириш билан боғлиқ даъволари қаноатлантирилди.

Иқтисодий судлар томонидан тадбиркорлар фойдасига жами 913.803.826 сўм пул маблағлари ундирилди.

Бундан ташқари, мурожаатлари ижобий ҳал бўлган фуқаролар томонидан Ўзбекистон Республикаси Президенти номига ташаккурномалар билдирилди.

 

Вилоят судининг жамоатчилик ва оммавий

ахборот воситалари билан алоқалар бўлими.

Конимех туманида сайёр суд мажлиси бўлиб ўтди

Жиноят ишлари бўйича Конимех туман суди томонидан Конимех тумани “Наврўз” маҳалла фуқаролар йиғини биносида сайёр суд мажлиси ўтказилди. Сайёр суд мажлиси давомида 26 та маъмурий ҳуқуқбузарлик тўғрисидаги ишлар кўриб чиқилиб, шундан 6 нафар шахсга нисбатан вояга етмаган ёки меҳнатга лаёқатсиз шахсларни моддий таъминлашдан бўйин товлаганлиги сабабли 15 сутка маъмурий қамоқ жазоси тайинланди.

Шунингдек, сайёр суд мажлиси давомида Ички ишлар бўлимининг тақдимномасига асосан Пробация гуруҳида ҳисобда туриб жазо ўтаб келаётган 5 нафар маҳкумлар ўталмаган жазодан Ўзбекистон Республикаси Жиноят кодексининг 73-моддасига асосан муддатидан илгари шартли озод қилинди.

Мурожаатлари ижобий ҳал бўлган фуқаролар томонидан Ўзбекистон Республикаси Президенти номига ташаккурномалар билдирилди.

 

Ҳабибулло Тўхтаев,

Жиноят ишлари бўйича Конимех туман суди раиси.

Коммунал соҳадагиқарздорликларниундиришюзасидансайёрсудмажлисиўтказилди

Зарафшон ихтисослаштирилган прокуратураси биносида Зарафшон туманлараро иқтисодий суди, судья Ш.Ғофуровнинг раислигида Зарафшон ихтисослаштирилган прокурори А.Джумаев, прокурор ёрдамчиси М.Хидиров, даъвогар ва жавобгарлар вакилларининг иштирокида коммунал қарздорликларни ундириш юзасидан сайёр суд мажлиси ўтказилди.

Унда даъвогар таъминотчи корхона манфаатида Зарафшон ихтисослаштирилган прокуратураси томонидан тақдим этилган даъво аризалари кўриб чиқилди.

Суд муҳокамаси якунида тарафларга сувни тежаш чоралари кўрилмаганлиги, сув тармоқларидаги носозликлар ўз вақтида бартараф этилмаганлиги, фойдаланилган коммунал ресурслари учун қатъий тўлов интизомининг йўлга қўйилмаганлиги, ундирувнинг замонавий усуллари жорий этилмаганлиги мазкур соҳада қарздорликнинг ошишига сабаб бўлаётганлиги таъкидланиб, келгусида бу каби салбий ҳолатларни олдини олиш чоралари кўрилиши лозимлиги тушунтириб ўтилди.

 

Шерзод Ғофуров,

Зарафшон туманлараро

иқтисодий судининг раиси

Учқудуқ туман Тиббиёт бирлашмаси биносида янги қонунларнинг мазмун моҳияти тушунтириш юзасидан ҳуқуқий тарғибот ишлари амалга оширилди

Жиноят ишлари бўйича Учқудуқ туман суди томонидан Ўзбекистон Республикасининг 2023 йил 27 сентябрдаги “Суд қарорларининг қонунийлиги, асослилиги ва адолатлилигини текшириш институти такомиллаштирилиши муносабати билан Ўзбекистон Республикасининг Жиноят-процессуал кодексига ўзгартириш ва қўшимчалар киритиш тўғрисида”ги ЎРҚ-869-сонли Қонуни мазмун моҳияти ҳамда Ўзбекистон Республикасининг 2024 йил 01 январдаги Ўзбекистон Республикаси Маъмурий жавобгарлик тўғрисидаги кодексига киритилган ўзгартиш ва қўшимчалар тўғрисида”ги ЎРҚ-884-сонли Қонуни мазмун-моҳияти юзасидан маърузалар қилинди.

Шунингдек тадбир давомида суд қарорларининг қонунийлиги, асослилиги ва адолатлилигини текшириш турлари, суд ҳукмларининг, ажримларининг, қарорларининг қонунийлиги, асослилиги ва адолатлилиги апелляция, кассация ва тафтиш тартибида текширилиши мумкинлигини, ишни юқори инстанция суди томонидан кўриш  апелляция тартибида — ушбу Кодекснинг 497-моддасида кўрсатилган шахсларнинг шикоятларига ва протестларига биноан, кассация тартибида — ушбу Кодекснинг 499-моддасида кўрсатилган шахсларнинг шикоятларига ва протестларига биноан, тафтиш тартибида кўрилиши юзасидан йиғилиш қатнашчиларига етказилиб мавзуга оид берилган саволларга батафсил жавоблар берилди.

 

Акмал Курбонов,

Жиноят ишлари бўйича Учқудуқ туман суди раиси.

ҚИЗИЛТЕПA ТУМAНИ 4-СЕКТОР ҲУДУДИОИЛAВИЙНИЗОЛAРМУҲОКAМAСИЎТКAЗИЛДИ!

Ҳафтанинг жума кунига мўлжалланган Оилавий ажримларни олдини олиш ва низоли оилалар билан ишлаш куни дастури доирасида Қизилтепа тумани 4-сектор ҳудудидаги 7 нафар ажрим ёқасига келиб қолган ва низоли оила вакиллари билан оилавий низоларни бартараф етиш муҳокамаси ўтказилди.

Муҳокама жараёнига туман ҳокими ўринбосари, фуқаролик ишлари бўйича Кармана туманлараро суди судяси, туман бош имом–хатиби, «Оқила аёллар ҳаракати» аъзолари ҳамда сектор ҳудудидаги отинойилар иштирок етиб, низоли оила вакилларига оила муқаддаслиги ва фарзанд тарбиясига беъэтибор бўлмаслиги тўғрисида тушунтириш ишлари олиб борилди.

Олиб борилган сай–ҳаракатлар натижасида 4 нафар оилаларнинг яраштирилишига еришилди ва 3 нафар оилага ўйлаб кўришлари учун маълум мухлатлар берилди.

 

Шерали Очилов,

фуқаролик ишлари бўйича

Кармана туманлараро судининг судьяси.

ОДАМ САВДОСИГА ҚАРШИ КУРАШДА БАРЧАМИЗ МАСЪУЛМИЗ!

Бугунги кунга келиб гловал муаммога айланган одам савдосига қарши кураш халқаро, минтақавий, кўп ва икки томонлама муносабатларни талаб этмоқда.

Дарҳақиқат, дунё бўйлаб кенг қамровли тарғибот-ташвиқот олиб борилишига қарамай, ҳар йили миллионлаб инсонлар «замонавий қуллик», яъни одам савдоси қурбонига айланмоқда. Улар орасида аёллар, кексалар, ҳатто ёш болалар ҳам борлиги эса ғоят ячинарлидир.

Ушбу жиноятнинг ривожланишига туртки бўлаётган асосий омиллардан бири одамларнинг чет элга бориш ва ишга жойлашиш ҳақида етарли маълумотга эга эмаслигидир. Ачинарлиси, ўзга давлат, бегона бир муҳитга тушиб қолганлар мўмай даромад илинжида оғир жисмоний меҳнатга ёлланмоқда, аёллар эса тубан ва фаҳш ишларга мажбур этилмоқда.

Одам савдоси – куч билан таҳдид қилиш ёки куч ишлатиш ёхуд бошқа мажбурлаш шаклларидан фойдаланиш, ўғирлаш, фирибгарлик, алдаш, ҳокимиятни суиистеъмол қилиш ёки вазиятнинг қалтислигидан фойдаланиш орқали ёхуд бошқа шахсни назорат қилувчи шахснинг розилигини олиш учун уни тўловлар ёки манфаатдор этиш эвазига оғдириб олиш орқали одамлардан фойдаланиш мақсадида уларни ёллаш, ташиш, топшириш, яшириш ёки қабул қилиш. Одамлардан фойдаланиш бошқа шахсларнинг фоҳишалигидан фойдаланишни ёки улардан шаҳвоний фойдаланишнинг бошқа шаклларини, мажбурий меҳнат ёки хизматларни, қуллик ёки қулликка ўхшаш одатларни, эрксиз ҳолат ёхуд инсон аъзолари ёки тўқималарини ажратиб олишни англатади.

Ҳозирги кунда ҳар қадамда “Одам савдоси қурбонига айланиб қолманг” деган пешлавҳаларни учратмоқдамиз. Албатта, ушбу сўзлар ўз-ўзидан пайдо бўлгани йўқ. Одамларни чет элларга олиб бориб пуллайдиган кимсалар аввало ўз ўлжаларини хориждаги катта маош, ҳузур-ҳаловат ва тўкин сочин ҳаёт билан қизиқтирадилар. Иродаси бўш одамлар эса аслида жонажон мамлакатимизда ҳам топиш мумкин бўлган маблағни осонгина эгаллашни мақсад қилиб, ўзи билмаган танимаган одамлар билан на тили ва урф-одатини биладиган бегона юртларга кетишга тайёрланадилар.

Чет элга ноқонуний тарзда ишга чиқаётган шахсларнинг кўпчилиги юқорида таъкидланган – халқаро терроризм ва дин ниқоби остидаги зўравонлик руҳи, куч ишлатиш, яъни экстремистик, фундаменталистик, сепаратистик хуружлар вакилларининг тузоғига тушиб қолмоқда.

Мамлакатимизда амалга оширилаётган ислоҳот ва янгиланишлар натижасида фуқароларимизнинг турмуш шароити узлуксиз юксалиб бормоқда, ҳуқуқ ҳамда эркинликлари тўла рўёбга чиқарилиши учун қулай ижтимоий, иқтисодий ва сиёсий шарт-шароитлар юзага келмоқда.

Буларнинг барчаси шахс эрки, унинг ҳаёти, саломатлиги ва шахсий ҳуқуқлари кафолатларини янада кучайтириш, фуқаролар ҳуқуқий муҳофазаси самарадорлигини ошириш, шахс-давлат муносабатларида шахс манфаатлари устуворлиги тамойилига оғишмасдан амал қилиш эҳтиёжини янада кучайтирмоқда.

Шахс эрки ва қонуний манфаатларини таъминлаш ижтимоий ҳаётимизнинг барча соҳаларида олиб борилаётган тадбирлар орқали амалга ошириб келинмоқда.

Шунингдек, бу борада 2020 йил 17 август куни Ўзбекистон Республикасининг “Одам савдосига қарши курашиш тўғрисида”ги Қонунининг янги таҳрирда қабул қилинганлиги ҳам малакатимизда одам савдосига қарши кураш нақадар зарур эканлигини кўрсатади.

Хулоса ўрнида шуни таъкидлаш лозимки, одам савдосига қарши курашиш умуммиллий даражада ёндашув ва ўзаро ҳамкорликка асосланса  ўз натижасини беради.

 

Фурқат Рахманов,

Жиноят ишлари бўйича Нурота туман судининг раиси.

“Инструктор-методист” ишга тикланди

Ўзбекистон Республикаси Конституциясининг 42-моддасига кўра, ҳар ким муносиб меҳнат қилиш, касб ва фаолият турини эркин танлаш, хавфсизлик ва гигиена талабларига жавоб берадиган қулай меҳнат шароитларида ишлаш, меҳнати учун ҳеч қандай камситишларсиз ҳамда меҳнатга ҳақ тўлашнинг белгиланган энг кам миқдоридан кам бўлмаган тарзда адолатли ҳақ олиш, шунингдек ишсизликдан қонунда белгиланган тартибда ҳимояланиш ҳуқуқига эга.

Ҳақиқатда, бугун юртимизда фуқаролармизнинг муносиб ҳаёт кечиришлари, меҳнат қилишлари, касб ва фаолият турини эркин танлашлари учун кенг имконятлар яратилган ва ҳуқуқий жиҳатдан мустаҳкамланган.

Бироқ, жамиятимизда меҳнат қонунчилигига ҳамда амалдаги қонунларга амал қилмаслик ҳолатлари ҳам мавжуд. Албатта будай ҳолатларнинг бўлиши фуқароларимизнинг ортиқча вақт йўқотишларига ёхуд уларнинг ҳуқуқ ва эркинларини бузилишига олиб келмоқда. Зеро, инсон ҳуқуқ ва эркинларини таъминлаш давлатнимизнинг олий мақсади саналади.

Мисол учун, фуқаро (даъвогар) Х.Н. судга даъво ариза билан мурожаат қилиб, унда Учқудуқ туман спорт мактаби раҳбари С.У.нинг 20.06.2023-йилдаги буйруғини ноқонуний деб топиб бекор қилиб, уни инструктор-методист вазифасига ишга тиклашни, унга етказилган маънавий зарар учун 250.000.000 сўм товон пули, мажбурий прогул кунлари учун иш ҳақи ундиришни сўраган.

Иш ҳужжатларидан аниқланишича, даъвогар 2012 йилда Ўзбекистон Давлат Жисмоний Тарбия институтини тамомлаган, Навоий вилояти ёшлар сиёсати ва спорт бош бошқармаси Учқудуқ тумани спорт мактаби (олдинги Навоий вилояти Спортни ривожлантириш бош бошқармаси Учқудуқ туман болалар-ўсмирлар спорт мактаби)нинг 2017 йил 03 январь кунидаги буйруғи ва иш берувчи ҳамда ходим ўртасидаги меҳнат шартномасига асосан Учқудуқ туман болалар-ўсмирлар спорт мактаби йўриқчи-услубчи (инструктор-методист) лавозимига ишга қабул қилинган.  

Ўзбекистон Республикаси Вазирлар Маҳкамасининг 2010 йил 23 сентябрдаги 211-сонли қарорининг 1-иловасидаги Низомнинг 62-бандида спорт мактабида ташкилий, тарбиявий, соғломлаштириш ва методик ишларни жисмоний тарбия бўйича олий маълумотли ва камида бир йил тренер-ўқитувчилик бўйича иш тажрибасига эга бўлган мутахассислардан тайинланадиган инструктор-методист амалга оширади деб белгиланган.

Навоий вилояти ёшлар сиёсати ва спорт бош бошқармаси Учқудуқ тумани спорт мактабининг 20.06.2023 йилдаги буйруғига асосан, Х.Н. билан тузилган меҳнат шартномаси Ўзбекистон Республикаси Меҳнат кодексининг 168-моддаси, 1-қисми, 4-бандига асосан ишга қабул қилишга доир белгиланган қоидаларнинг бузилганлиги, уни бартараф этиш имконияти бўлмаганлиги яъни Ўзбекистон Республикаси Вазирлар Маҳкамасининг 2010 йил 23 сентябрдаги 211-сонли қарори билан тасдиқланган 1-илова Низомнинг 62-бандида белгиланган талаб бўйича камида бир йил тренер-ўқитувчилик бўйича иш тажрибасига эга мутахассислардан тайинланадиган инструктор-методист амалга ошириши тўғрисидаги қоидага зид равишда 2017 йил 3 январда ишга қабул қилинганлиги муносабати билан 2023 йил 20 июндан бекор қилинган.

Навоий вилояти ёшлар сиёсати ва спорт бош бошқармаси ходимлари томонидан тузилган далолатномада, Х.Н.га мактабда мавжуд бошқа иш ўрни таклиф қилинганлиги, Х.Н. бошқа ишга ўтишни рад этганлиги баён қилинган.

Даъвогар суд мажлисида берган кўрсатмасида, иш берувчи томонидан унга бошқа иш ўрни оғзаки равишда таклиф қилинганлигини, лекин у рози бўлмаганлигини, сабаби ўз иш ўрнида ишламоқчилигини, инструктор-методист лавозими вазифаларини яхши билишини билдирди.

Ўзбекистон Республикаси Меҳнат кодексининг 168-моддаси, 1-банди, 4-хатбошида, ишга қабул қилишга доир белгиланган қоидаларнинг бузилганлиги, агар йўл қўйилган қоидабузарликни бартараф этиш имкони бўлмаса ва у ишни давом эттиришга тўсқинлик қилса меҳнат шартномасини тарафларнинг хоҳиш-иродасига боғлиқ бўлмаган ҳолатларга кўра бекор қилиниши кўрсатилган.

Суд иш ҳолатлари ва юқоридаги қонун талабларидан келиб чиқиб, даъвогар инструктор-методист (йўриқчи-услубчи) лавозимида 2017 йил 03 январдан буён ишлаб келишини, олий маълумотли ҳисобланишини, инструктор-методист (йўриқчи-услубчи) лавозими тренер-ўқитувчи лавозимидан юқори туришини, қонунда иш берувчининг меҳнат шартномасини Меҳнат Кодексининг 168-моддаси биринчи қисмининг 4-бандига кўра бекор қилиши учун ишга қабул қилишнинг қоидалари бузилганлигини бартараф этиб бўлмаганда йўл қўйилиши назарда тутилганлигини, даъвогар инструктор-методист (йўриқчи-услубчи) лавозимида 2017 йил 03 январдан буён ишлаб келганлиги сабабли ишга қабул қилишнинг қоидалари бузилганлиги бартараф этилганлигини инобатга олиб, даъвогар билан меҳнат шартномасини бекор қилиш тўғрисидаги буйруғни ғайриқонуний деб ҳисоблаб, уни ишлаб келган вазифасига ишга тиклашни тиклашни ва унга етказилган маънавий зарар учун товон пули ҳамда мажбурий прогул кунлари учун иш ҳақи ундиришни лозим топган.

Хулоса ўрнида айтиш жоизки, давлат ташкилотлари меҳнат қонунчилигига амал қилсалар, ўз мажбуриятларини тўлиқ бажарсалар фуқароларнинг ортиқча вақт йўқотишларига ёхуд уларнинг ҳуқуқ ва эркинларини бузилишига олиб келмайди.

 

Анвар Жумаев,

Фуқаролик ишлари бўйича Учқудуқ туман суди раиси. 

Skip to content